餃掂手工餃子雲吞專門店

今晚和同事收工去食晚飯，於是黎左呢間叫「餃掂」既餃子專門店開餐了。望望餐牌發現餃子既選擇都幾多，我地就點左幾款手工餃黎試試先。龍鳳松茸雙灼餃($92/8隻)呢款餃都幾特別，第一次食到黑松露加白松露混入豬肉，三樣野原來都幾夾😋😋另外配埋狀元九鼎湯，一啖肉一啖餃感覺幾清甜喎！😌粟米豬肉餃($47/7隻)食完湯餃就輪到食煎餃喇，外皮真係煎得好金黃，咬落去仲好鬆脆添，而且粟米粒都好大粒好爽脆添👍🏼👍🏼餃子麵($53/6隻)我地叫左壽喜燒牛肉餃(+$8)，每隻都好足料喎！而且壽喜燒既味道都好濃，麵質方面夠哂彈牙，湯底仲好鮮甜啊！！麻辣松花皮蛋($25)麻辣汁非常濃郁，每一塊皮蛋都覺得入哂味咁，最岩嗜辣既我地啊！🤤🤤四川涼皮($32)涼皮望落好晶瑩剔透，咬落去又好煙韌，而且表面舖左好多花生粒同蔥粒，令到成碟粉都好豐富，另外四川麻辣汁帶有少少酸甜，零舍開胃添😝😝豆漿($15)新鮮豆漿15蚊咁大杯真係好抵啊👍🏼👍🏼