彩福皇宴 (已結業)

身為熟客，一年一度食龍蝦，年年夏天都有龍蝦優惠，$88/斤，大概$100只，確實是抵食，因此攜老帶幼一家人來。龍蝦可以上湯可以蒜茸蒸，我們鐘意蒜茸香，平日配伊麵多，未試過配粉絲又試下。看來足秤，四個人一人半隻之後，尚有大量頭頭尾尾慢慢吮，如大家所望，蒜茸粉絲十分之惹味。今日入咗條大魚，侍應力推大海蘇鼠班二味，翡翠炒班球份量唔大多，不過魚肉滑西芹爽，味道非常好。生炆頭腩煲夠大煲，炸得香口唔燶，炸漿不厚，味道濃郁。其他優惠小菜都相當唔錯。最後甜點不能缺，我最喜歡紅豆桂花糕，細細粒，唔太甜，有豆豆咬口。一家人皆滿意，家庭聚會好選擇。