cafe TOO

今晚因為同好朋友們一齊上完一個講座，時間好早，就想想可以食buffet，J小姐話始終都係呢度好，打去訂好彩有位，以往都係食星期日lunch buffet多，今晚應該係第一次Dinner buffet……其實，我都覺得呢度好好，乾淨，多嘢食……雖然冇蠔，但我冇乜所謂，還有好多其他選擇……今晚凍海鮮有龍蝦、蝦、蟹腳、青口、麵包蟹，魚生、壽司，熱盤有點心，我選了我的至愛~蝦餃，熱辣辣吾錯，今晚飲咗中湯~花生雞腳湯，味道都ok但吾夠熱，但冇試西湯~露筍忌廉湯，怕膩了。熱葷都有好多款，如龍脷柳，奶湯浸娃娃菜、煙鴨胸、白菌麵根、焗什菜、沙茶雞片、紅燒肉、椒鹽龍蝦、糯米飯，燒味有燒雞全翼、燒肉、叉燒、油雞、燒鴨，我覺得油雞ok但叉燒冇乜味及燒肉略肥……今晚冇食魚生或壽司，反而吃多了龍蝦，龍蝦啖啖肉、膏又好好味，蟹腳ok，吾似有啲酒店的有鹽水鹹味，但麵包蟹就冇乜肉。今晚都冇食天婦羅及咖哩薄餅類，反而點都有食我最愛的魚蛋粉麵類……生果甜品呢度真係好多款，多到我只選擇性食，可能一開始食了一隻龍蝦仔、三隻蟹腳、油雞燒肉叉燒各一件後已飽飽哋……我今次一開始食咗少少熱葷、湯先，暖一暖才食生冷嘢~龍蝦、蟹腳，之後