御 ‧ 家上海

營業中

休息中

問題又再出現，今日幫襯買外賣，原本係要蝦子蔥燒海參，點知餐廳員工隻眼又有事，冇整到，原來整多左一碟鳳梨魚柳，變左一共有兩碟鳳梨魚柳，下次真係要係餐廳門口逐盒外賣打開檢查先得，最好叫埋餐廳經理簽名作實，好似寫手冊搵家長簽名咁。諗住塞翁失馬啦，點知問題又黎啦，兩碟鳳梨魚柳啲魚柳又係得啲粉，魚柳薄過紙，兼炸到又硬又乾，好似被轟炸完咁，有啲劫後餘生嘅感覺。各位做飲食業嘅可唔可以有啲良心，你見到咁樣都可以照放落盒俾人食？又係覺得外賣冇人即時見到就可以瞞天過海？餐廳如果你冇心做外賣，而且覺得堂食生意應接不暇的話，不如考慮吓熄咗部機，大大聲同人講我唔稀罕外賣生意。