影片
營業時間
今日營業
11:30 - 16:30
17:30 - 22:30
星期一至日
11:30 - 16:30
17:30 - 22:30
公眾假期
11:30 - 16:30
17:30 - 22:30
公眾假期前夕
11:30 - 16:30
17:30 - 22:30
以上資料只供參考, 請與餐廳確認詳情
有關獎賞計劃
食家推介
#20250725 🤍📍 #御家上海 九龍塘達之路80號又一城L1樓L1-20號舖 🍽️大圍｜深水埗｜將軍澳均有分店➖➖➖➖➖➖➖➖➖➖➖➖➖➖➖➖➖#老上海套餐 #六位用 $1680 🥢 #淮揚五福拼盤 💭 呢個拼盤有五款精美小食，夠哂大碟，青瓜海蜇有青爽新鮮既青瓜伴爽口既海蜇🥒醉雞幾香酒味，肉質都幾爽🐔糖醋魚塊炸得好鬼脆，超級薄脆有啲魚香味🐟上海肴肉就睇落晶凝通透，枝豆烤麩都好吸引開胃，有汁又有枝豆咬口😂. 🥢 #濃湯砂鍋餛飩雞 💭 可以每人分到一碗湯，雞湯既味好豐富，另外有湯渣，又可以當多個餸食，啲渣主要係紹菜同雞，煲到好淋，係屋企煲既湯渣味道🏠. 🥢 #清炒河蝦仁 🥢 #濃雞汁蘿蔔 💭 呢兩個菜有啲搞笑，都係簡單到不得了既整法，蝦仁就整到好似蝦餃入面果啲蝦仁餡咁，冇其他配菜🦐蘿蔔就係伴幾條菜心，個汁就係啲濃湯寶打既芡汁，完全係屋企都整到無難度既菜式😅. 🥢 #松鼠桂魚 💭 炸得幾靚，個頭昂昂咁夠哂架勢，個汁既配料都幾多，例如有蝦仁、豆、松子仁同啲青紅椒等等，味道食落就正正常常普通啦🐟. 🥢 #百頁結紅燒肉 💭 大大舊肥豬肉，底下有啲豆皮類製品，想控制體重既朋友仔應該見到都驚🥶值得一提係呢間餐廳啲出菜快到機關槍咁，咁岩又見到門口雪櫃有整好左既東坡肉可以買，真係好難唔令人聯想起係預製菜先做得到呢個上菜速度🫣. 🥢 #上海煙燻脆皮雞 💭 係平時去飲宴到後半段戰鬥到無晒力既時候就先會出現既菜式，基本上味道係平時飲宴既水準，不過今次因為上菜速度太快可以食左先，唔使去到驚要等拎盒打包既地步🐔. 🥢 #乾煸四季豆 🥢 #招牌十景揚州炒飯 💭 兩款都正常味道啦，四季豆唔係好咸，就算唔撈飯就咁食都唔會話食完好口渴，至於炒飯炒得幾乾身，雖然知係落左唔少油不過又幾好食，係高質既～. 🥢 #金牌小籠包 💭 新鮮出爐熱辣辣，千祈唔好心急到一上枱就夾尼食，記得要等佢無咁熱先好食，唔係既話啲汁實會辣親個嘴就唔係咁好啦😂夾既時候都要小心啲，個皮算薄好易穿架⚠️. 🥢 #豆沙窩餅 💭 呢啲套餐又點少得甜品丫，話就話送，其實咪個餐包埋😏上海野最出名既甜品當然離唔開豆沙窩餅，炸得都幾靚夠晒香脆，入面個餡既豆沙比例亦都合理，唔錯👍🏼. 🥢 #家嘗菜 💭 食完仲有回贈一包餐廳出品既預製菜，六人餐有紅燒牛面頰，12人餐再多包東坡肉，可以返屋企食過返尋味，仲有幾張現金券送，又食又拎都幾開心，不過用啲現金券下次尼就唔可以食返呢個餐🙈
繼續閱讀
朋友推介嘅上海菜～先來一人一個蟹黃大湯包，先用吸管飲湯再食，鮮味濃郁，打卡必點📸鎮江冰官肴蹄、麻香雞絲粉皮、蘇軾東坡肉、上海擔擔麵、濃湯砂鍋雲吞雞 食物份量、水準整體都唔錯👍🏻值得再去試埋其他菜式環境坐位舒服，服務態度好👍🏻
繼續閱讀
有冇試過一坐低，隻眼望晒所有菜，都唔知由邊款開始落手？呢間上海菜餐廳就係比我既感覺！直情係滬淮美食博覽，突然選擇困難症發作！🤣之前book 左檯，按時到場即刻有得入座。落場第一度菜係淮揚五福拼盤！成盤嘢賣相已經好高級，藍白花瓷分格裝，每格都係心機菜。大家坐低一定要快手影多幾張相先！呢個拼盤擺得好靚，令人好有食慾。我最中意個蘇式熏魚，好入味，魚肉又冇腥味，唔會柴到咬唔郁。烤麩味道甜甜鹹鹹，係我好中意既個種味道。醉雞軟滑又入味，雞肉滲滿酒香，皮啲膠質又彈牙，簡直係啖啖滋味。涼拌紅蟄頭啲蟄頭切得薄薄，爽脆帶酸，仲有微辣，好醒神。比較失色既算係冰官餚蹄，雖然膠原蛋白滿滿，紅粉啫喱包住大大嚿肉，但肉有點過焾，口感一般。嚟到餐廳既必點生煎包 - 鐵板灌湯版！睇落似普通生煎，實際勁有野心！個鐵板上熱辣辣，生煎包底部煎到金黃色，一夾即刻見到皮薄湯多！表面仲灑咗芝麻同蔥花，增添香氣！一籠有四大粒，食一粒就好滿足，叫多籠都冇問題！讓人食到停唔到口最後一道菜我揀左上海粗炒啦！粗麵夠煙韌、有咬口，係真‧美食愛好者至愛。齋睇都知份量大，大大碟粗麵包住豬肉絲、椰菜、青菜、冬菇，仲有秘製甜醬爆炒，齊齊吸晒汁水！每條麵都掛住糖色醬油，食落鑊氣十足，鹹香非常。啲肉同菜吸晒醬汁，仲有淡淡蔥香！炒得唔油唔膩，越食越開胃，唔止一條路咁簡單。今餐真係由冷菜、主食到點心，全部都好滿意。特別係五福拼盤同生煎包，兩款都係老上海味道，啱晒香港人想感受下江南小館感覺。粗炒又夠份量，足料不欺場，加埋環境舒服，服務都幾好。唯一要挑剔的地方，就係座位之間空間比較貼，要聊天的話，都要用盡力對方先聽到。一個字嘈！但除此以外，食物係出色既！
繼續閱讀
這幾天天氣真差尤其是對於要學車的我，下雨天學車心情都麻麻今日剛學完車，肚餓，最近醫肚嘅地方，莫過於又一城，又唔知想食啲乜嘢，行吓行吓上到最頂樓咁滯，見到家上海，之前都嚟過，橫掂肚餓，就入去食個午餐，簡簡單單叫咗碟醉雞，同埋上海炒年糕，醉雞係脾位，嫩滑，酒味唔會太濃，最重要入晒味上海炒年糕，配料不外乎，肉絲同埋津白，豬肉絲唔會鞋，整個菜唔會太鹹，少少麻香味，令到我食慾大增，食完嘢，慢慢嘆返啖茶，留意到啲員工做嘢，幾細心，我食完嘢佢哋會幫我清碟，主動問我使唔使叫啲甜品🍧整體嚟講佢哋嘅食物同埋招呼都唔錯，值得再一次嚟幫襯
繼續閱讀
早段時間嚟過呢間上海菜，發覺佢哋嘅出品和服務都很好，今次就同父母嚟食，睇吓佢哋嘅出品有沒有變，首先醉雞，雞嘅位置係脾位，所以比較滑，而酒嘅味道唔會苦，頭盤首選跟住雞絲粉皮，麻醬香滑然後係松子黃魚🐟，黃魚本身幾滑，炸過之後，魚🐟肉外脆內滑，最重要個汁，唔會好酸亦唔會好甜，味道剛好，父母一致好評，整條魚佢哋兩位老人家差唔多食晒跟住火腿津白，煮得好淋，咸火腿嘅香味入哂啲汁到，浸住啲津白，入哂味小蘢包同窩貼，肉汁香濃，真係可以keep住水準，服務員態度友善、有禮，主動加茶換碟，父母親們對這家上海菜非常滿意，另外佢哋有啲promotion ，鮑魚一罐$188加多$10可以多一罐，每罐6只，今次買咗兩罐試吓，因為屋企人都幾鐘意食鮑魚
繼續閱讀
您可能會有興趣的...