影片
更多
2022-04-02
37 瀏覽
呢排應該大家都好少出左食，不過偶然都要俾啲機會自己食好嘢，在網上看到朋友吃了個late lunch ，話三日月個餐好抵食，於是講到咁平就來試試A5宮崎和牛鵝肝帝王虎蝦一人前鐵板餐。同老公來到，周末難得食好少少就一人一個餐吧，呢度有好多選擇，但最抵就係呢個餐，真係非叫不可。前菜三小點有雞刺身、茄子、絹豆腐，其實都幾驚喜，前菜好認真，特別係個豆腐，如果雞刺身有少少酸汁會好一點，茄子幾開胃，整體開頭不俗。刺身有三款，赤身個種鮮味，無人不愛，特別係個油甘肥美到一個點，蝦算係最普通的了。海ぶどうサラダ 就係海葡萄沙律，我相信大部分人都吃過呢種海葡萄，未必係個個喜歡，但呢個又幾好食，而且有時沙律會係好求其，但呢個又做得幾好。茶碗蒸，小巧一碗，個蛋蒸得好滑，甜甜地，唔係食完話會嘩一聲，但還可以。先上的係阿拉斯加銀鱈魚，件銀鱈魚件真心做得好好，因為個汁唔算太鹹，又好有濃烈的奶香，銀鱈魚都夠肥美，講真，絕對出色。大海老用上帝王虎蝦，講真，煎個刻非常有板有眼，不過上場個樣的確係未見過咁樣嘅擺盤，睇樣有懷疑，但吃落去又唔係咁奇怪嘅，蝦肉掌握得好好，最重要個汁真係好精彩，做得好好，蝦肉食嘅時候吃到淡淡蝦膏。香
同老公來到，周末難得食好少少就一人一個餐吧，呢度有好多選擇，但最抵就係呢個餐，真係非叫不可。
前菜三小點有雞刺身、茄子、絹豆腐，其實都幾驚喜，前菜好認真，特別係個豆腐，如果雞刺身有少少酸汁會好一點，茄子幾開胃，整體開頭不俗。
刺身有三款，赤身個種鮮味，無人不愛，特別係個油甘肥美到一個點，蝦算係最普通的了。
海ぶどうサラダ 就係海葡萄沙律，我相信大部分人都吃過呢種海葡萄，未必係個個喜歡，但呢個又幾好食，而且有時沙律會係好求其，但呢個又做得幾好。
茶碗蒸，小巧一碗，個蛋蒸得好滑，甜甜地，唔係食完話會嘩一聲，但還可以。
先上的係阿拉斯加銀鱈魚，件銀鱈魚件真心做得好好，因為個汁唔算太鹹，又好有濃烈的奶香，銀鱈魚都夠肥美，講真，絕對出色。
大海老用上帝王虎蝦，講真，煎個刻非常有板有眼，不過上場個樣的確係未見過咁樣嘅擺盤，睇樣有懷疑，但吃落去又唔係咁奇怪嘅，蝦肉掌握得好好，最重要個汁真係好精彩，做得好好，蝦肉食嘅時候吃到淡淡蝦膏。
香煎鵝肝同鐵板燒日本野菜同一齊上，日本野菜我以為會係傳統個隻，點知唔係，原來係蓮藕，我點了A4鹿兒島和牛卷厚燒，呢個當然係highlight，調味等都非常完美。
老公點的係A4鹿兒島和牛薄燒卷，夾著蔥花同金菇，感覺清新少少。
鐵板炒飯都有少少特別，先食半碗再加湯食，加上湯後好似食湯飯咁。
味噌湯就正路之作，不過唔鹹又幾好。
甜品 Dessert 甜品傳統野，小巧玲瓏的奶凍，士多啤梨味，不錯，係外型唔算討好。
優惠價，一人前 Per Person 係$798，再10％Service Charge ，以呢個地段呢個陣容，絕對不錯。
張貼
