Espresso Alchemy

營業中

休息中

今日約咗兩個朋友去如心廣場，揀咗呢間coffee shop坐低，因為見到個大玻璃窗，環境幾靚，雖然唔係好大，但坐得幾舒服。撞正lunch時間，keep住都有好多人嚟食，不過食物都嚟得好快，侍應服務亦都好好。我哋三個分別叫咗三個lunch set，每個set都有包飲品。煙三文魚沙律配檸檬醋醬，三文魚有四大塊，份量十足，仲有好多唔同嘅沙律菜，色彩繽紛，味道清新，令人食慾大增。牛油果蛋碎Bagel沙律，份量啱啱好，牛油果同蛋碎完美融合，Bagel又香又有嚼勁，口感豐富。烤雞菠蘿漢堡配檸檬乳酪醬，仲有烤薯，雞肉嫩滑多汁，菠蘿帶出甜味，配埋檸檬乳酪醬，味道層次豐富，烤薯香脆可口。飲品方面，我地叫咗Americano、long black，仲有Matcha latte，咖啡香濃，抹茶唔會太甜，啱晒。整體嚟講，呢餐真係好滿意，下次都想再嚟試其他嘢食！