影片
更多
2022-07-08
71 瀏覽
今次去左元朗食蒸海鮮，開頭以為咁吊腳，仲要係平日，一定會比較少客人，點知去到竟然係坐滿人，睇黎餐廳水準有一定保證。門口有幾個透明缸放滿吾同種類既海鮮，真係見到都興奮，選好套餐後，店員會俾張紙仔你出去夾海鮮，夾完就交俾店員幫手處理，我就夾左兩隻鮑魚同兩隻生蠔，真係好心急想知自己簡既生蠔夠吾夠肥美。坐低無幾耐，店員就拎左老火湯同溫泉蛋俾我地，老火湯味道濃郁，飲得出係真材實料，説時遲那時快，海鮮拼盤就到左，有元貝、鮑魚、蟶子、海蝦、花蛤、沙白同蜆，全部都處理得好乾淨。首先會蒸左杞子蟲草花蒸雞先，雞肉好嫩滑，吸收晒蟲草花既香氣，味道鮮美。食完雞之後就開始蒸海鮮，枱面會有教學教蒸各種海鮮需要既時間，吾洗怕蒸過時，海鮮肉質彈牙，真係食到停吾到口，自助區有蒜蓉、蔥、芫茜、辣椒、豉油等調味料，加埋調味料，帶出曬海鮮既鮮味，仲可以拎粉絲自製蒜蓉粉絲蒸扇貝同蟶子添！食完海鮮後，就出自助區拎蔬菜，蒸蔬菜更能保持本身既味道同營養，真係夠曬原汁原味，蒸完菜後就食粥底，配料有南瓜、芋頭同豬骨，粥底吸收曬海鮮既精華，特別鮮甜。最後就食個紅棗元肉桃膠糖水作總結，整碗糖水滿滿桃膠，大大粒脹卜卜，真係十分滿足！走果時店員
門口有幾個透明缸放滿吾同種類既海鮮，真係見到都興奮，選好套餐後，店員會俾張紙仔你出去夾海鮮，夾完就交俾店員幫手處理，我就夾左兩隻鮑魚同兩隻生蠔，真係好心急想知自己簡既生蠔夠吾夠肥美。
坐低無幾耐，店員就拎左老火湯同溫泉蛋俾我地，老火湯味道濃郁，飲得出係真材實料，説時遲那時快，海鮮拼盤就到左，有元貝、鮑魚、蟶子、海蝦、花蛤、沙白同蜆，全部都處理得好乾淨。
首先會蒸左杞子蟲草花蒸雞先，雞肉好嫩滑，吸收晒蟲草花既香氣，味道鮮美。食完雞之後就開始蒸海鮮，枱面會有教學教蒸各種海鮮需要既時間，吾洗怕蒸過時，海鮮肉質彈牙，真係食到停吾到口，自助區有蒜蓉、蔥、芫茜、辣椒、豉油等調味料，加埋調味料，帶出曬海鮮既鮮味，仲可以拎粉絲自製蒜蓉粉絲蒸扇貝同蟶子添！
食完海鮮後，就出自助區拎蔬菜，蒸蔬菜更能保持本身既味道同營養，真係夠曬原汁原味，蒸完菜後就食粥底，配料有南瓜、芋頭同豬骨，粥底吸收曬海鮮既精華，特別鮮甜。
最後就食個紅棗元肉桃膠糖水作總結，整碗糖水滿滿桃膠，大大粒脹卜卜，真係十分滿足！
走果時店員仲同我講，逢星期六、日呢到會有live band，下次一定要再黎見識下。
張貼
