スーパー丼 Express (已結業)

今日去左逸東酒店地庫嘅food court 食日式魚生丼飯◽️吞拿魚蓉牛油果溫泉蛋丼主角係牛油果同埋溫泉蛋，配上少少吞拿魚茸增加鮮味。一直好多人都話牛油果再點啲刺身豉油就會有三文魚刺身嘅風味，所以即使呢個丼飯冇乜魚生，但係食牛油果嘅時候都有食三文魚嘅感覺。另外再加埋溫泉蛋嘅蛋汁，輕鬆就可以食晒成碗飯。▫️角切魚生飯魚生以貝類、玉子、蟹籽為主打，刺身都非常新鮮，而且飯量十分足夠。呢度叫完丼飯之後可以追加小食。小食除咗有一般嘅炸物串燒之外，仲可以添加刺身，我就建議可以加一份吞拿魚茸，令到個刺身丼飯更加豐富。