三一餃子 (通菜街)

營業中

休息中

同朋友係旺角搵野食，佢話睇食評d人讚呢間三一餃子，所以我就跟佢冒險一試。見到餐牌碗麵張相就心心眼，但選擇只有烏冬 米線，點睇都唔係米線，所以揀左烏冬。黎到碗烏冬，咦？咁嘅？普通烏冬？食落直頭就係超市最cheap最廉價果隻烏冬，好很難食，又梅又硬。個黑松露餃還好，但勁細隻，性價比極低。蝦湯一般，好淡口、麻麻地，唔難食但唔好食。煎餃賣相不錯，但味道普通份量又細，唔抵食，我朋友都心感中伏。仲點左份炸雞，賣相係無乜問題，但調味方面無乜味道，仲有d腥臭味，唔知係血腥味定變壞宿左，好那奇怪，唔算好難食，但同美味扯唔上關係。最後我問佢張相碗麵其實係邊款麵，係咪我點錯左？我想食果隻彎彎曲曲嘅麵。職員答我圖片係上網download，圖片只供參考，佢地係無賣的⋯⋯⋯What????咁嘅餐廳都有，最後發現佢寫係餐牌右上角話budget問題，圖片係網上download，但你down還down, 唔係擺一張你無賣嘅野出黎呀嘛？結論，唔會再幫襯。