一方堂居酒屋

營業中

休息中

今次去咗厚福街呢棟好多日本餐廳嘅大廈，揀咗「一方堂」嘅間日本餐廳試吓。位置唔算太多，要嚟建議早啲訂位。枱同枱之間都有足夠空間，等同隔離枱唔會坐得太近，聽到晒大家講嘢，有返少少空間感。因為好想食刺身，見到當日有「原條真鯛」，我哋就叫咗嚟試試佢，份量多到食呢個都佔咗一半quota了，真調亦都好新鮮好正！同朋友分別各自叫咗一個手卷，我叫咗「火炙帶子手卷」，朋友都唔執輸，佢都叫咗個「A5和牛手卷」，份量好多，我哋交換一人一半嚟食。嚟到居酒屋又點可以點叫串燒？呢度除咗刺身壽司之外都仲有好多唔同款嘅串燒，首先叫咗我最鐘意嘅免治雞肉棒，點埋蛋汁真係再令個味道更濃厚！黑豚腩～第一次見有煙肉蝦卷嘅串燒！好好味！仲叫咗個白鱔！食到飽一飽！下次可以再帶朋友嚟試多啲！