影片
更多
2024-11-06
677 瀏覽
同女朋友難得一齊準時收工 決定去尖沙咀食餐好厚福街出名多野食 決定去搵搵用openrice apps就搵到呢間係H8 9樓嘅Amitie kitchen環境好有氣氛 柔柔燈光配上輕音樂 感覺好舒服坐又坐得舒服價錢方面合理 選擇又夠多 淨係飲品已經揀左我好耐首先嚟到嘅就係頭盤 焗麵包 + 火炙半熟三文魚伴紫蘇莎莎麵包上到枱仲係超熱 入口係十分之鬆軟配合自己口味 點埋果醬成件事好完美而沙律都做得好好 個汁唔會太酸太甜 好開胃飲品選擇左香橙乳酸梳打同400次美綠波波飲乳酸梳打最怕得個甜字 好彩 呢度嘅乳酸梳打就唔會 唔會得個甜字 橙味同梳打比例啱啱好而女朋友嘅美綠波波打卡一流 打過400次嘅美綠入口特別滑 值得一試然後就係主菜8安士美國頂級西冷肥瘦啱啱好 成舊都食得 好香油味 食呢啲扒最怕8安士入面有1/3係筋 呢舊西冷就好出色！牛肝菌露荀意大利飯成個醬汁煮得好好 每啖都係牛肝菌嘅香味個汁同飯嘅比例啱啱好 唔會太浠 口感同視覺都一流甜品揀左提拉米蘇個碟畫得好靚 成件cake唔會太甜 有陣淡淡嘅酒味 好落好舒服完美的一個晚餐
同女朋友難得一齊準時收工 決定去尖沙咀食餐好厚福街出名多野食 決定去搵搵
用openrice apps就搵到呢間係H8 9樓嘅Amitie kitchen
環境好有氣氛 柔柔燈光配上輕音樂 感覺好舒服
坐又坐得舒服
價錢方面合理 選擇又夠多 淨係飲品已經揀左我好耐
首先嚟到嘅就係頭盤 焗麵包 + 火炙半熟三文魚伴紫蘇莎莎
麵包上到枱仲係超熱 入口係十分之鬆軟
配合自己口味 點埋果醬成件事好完美
而沙律都做得好好 個汁唔會太酸太甜 好開胃
飲品選擇左香橙乳酸梳打同400次美綠波波
飲乳酸梳打最怕得個甜字 好彩 呢度嘅乳酸梳打就唔會 唔會得個甜字 橙味同梳打比例啱啱好
而女朋友嘅美綠波波打卡一流 打過400次嘅美綠入口特別滑 值得一試
然後就係主菜
8安士美國頂級西冷
肥瘦啱啱好 成舊都食得 好香油味 食呢啲扒最怕8安士入面有1/3係筋 呢舊西冷就好出色！
牛肝菌露荀意大利飯
成個醬汁煮得好好 每啖都係牛肝菌嘅香味
個汁同飯嘅比例啱啱好 唔會太浠 口感同視覺都一流
甜品揀左提拉米蘇
個碟畫得好靚 成件cake唔會太甜 有陣淡淡嘅酒味 好落好舒服
完美的一個晚餐張貼
