影片
更多
2025-01-25
260 瀏覽
《柞木炭家 - 旺角》熟我既朋友都知我喜歡食燒肉，雖然我成日都係去日式嘅燒肉店，但係間唔中食韓式燒烤我都覺得幾唔錯㗎今次我就去咗朋友推薦既呢一間好有情調燒肉店，而家晚市仲有不少套餐可以選擇😉當晚我哋三個人就叫咗佢哋嘅special menu $1588 再叫埋特調韓式soda，三個人人均大約$570，如果講求情調同私人度的話，呢度都係一個拍住拖食燒肉不錯既選擇😉💁🏻♀️Barbecue Special Menu $1588呢個套餐既野食種類都唔少，套餐已經包埋韓式前菜，仲有一份外面食好貴既即燒鰻魚添😍你想即話店員仲會幫忙燒烤，不過自己燒嘢食其實都係樂趣來的🤭套餐既食品包括有：🔹和牛盛合🔹牛舌🔹五花肉🔹挑骨雞翼🔹水果醬油雞腿肉🔹燒鰻魚🔹海鮮煎餅🔹傳統石頭鍋飯🔹半半炸雞個套餐既食物份量都幾多，除左有肉食之外仲有不少主食架，炸雞一共有兩隻味道，分別係招牌甜辣味同埋原味，炸到脆卜卜，用黎送酒一流😋另外和牛盛盒入面有六大片薄切牛肉，色水好靚好吸引架，燒到五成熟後可以點埋個蛋黃特調醬油一齊食，味道甜甜地好似食緊壽喜燒咁👍🏻燒鰻魚原來好講技巧的，店員會過黎幫忙燒香鰻魚，可以考慮就咁點鹽食用又或者點佢
熟我既朋友都知我喜歡食燒肉，雖然我成日都係去日式嘅燒肉店，但係間唔中食韓式燒烤我都覺得幾唔錯㗎今次我就去咗朋友推薦既呢一間好有情調燒肉店，而家晚市仲有不少套餐可以選擇😉當晚我哋三個人就叫咗佢哋嘅special menu $1588 再叫埋特調韓式soda，三個人人均大約$570，如果講求情調同私人度的話，呢度都係一個拍住拖食燒肉不錯既選擇😉
💁🏻♀️Barbecue Special Menu $1588
呢個套餐既野食種類都唔少，套餐已經包埋韓式前菜，仲有一份外面食好貴既即燒鰻魚添😍你想即話店員仲會幫忙燒烤，不過自己燒嘢食其實都係樂趣來的🤭套餐既食品包括有：
🔹和牛盛合
🔹牛舌🔹五花肉
🔹挑骨雞翼
🔹水果醬油雞腿肉
🔹燒鰻魚
🔹海鮮煎餅
🔹傳統石頭鍋飯
🔹半半炸雞
個套餐既食物份量都幾多，除左有肉食之外仲有不少主食架，炸雞一共有兩隻味道，分別係招牌甜辣味同埋原味，炸到脆卜卜，用黎送酒一流😋另外和牛盛盒入面有六大片薄切牛肉，色水好靚好吸引架，燒到五成熟後可以點埋個蛋黃特調醬油一齊食，味道甜甜地好似食緊壽喜燒咁👍🏻燒鰻魚原來好講技巧的，店員會過黎幫忙燒香鰻魚，可以考慮就咁點鹽食用又或者點佢個甜甜既鰻魚燒汁食用，外皮脆脆個入面超Juicy，兩種食法都一樣咁好食🥰五花肉同無骨雞翼呢啲比較簡單既菜式就梗係自己燒番啦，雞翼已經處理過無骨的，食落啖啖肉呀😍
而主菜方面，我個人覺得個海鮮煎餅用料都幾足，見到有不少蝦肉同埋魷魚喺餅入面，食落葱香酥脆，不過食完會勁飽，最後每人食多少少Bimbimbap，真係飽到上心口呀
💁🏻♀️青瓜青檸梳打&菠蘿梳打 $42
順帶提下先，我覺得個青瓜青檸梳打幾正正，有啲似無酒精既mojito咁，飲落勁fresh 同幾解油膩，啱曬配搭燒肉呀；而個菠蘿梳打相對甜少少，不過都係酸酸甜甜的幾開胃架，如果唔想飲酒就可以試下梳打啦
張貼
