金子半之助 (奧海城二期)

營業中

休息中

YOLO！正所謂人生在世咩都要試吓，何況食？平時絕少試油炸菜色嘅我，今日坐言起行同朋友去咗有「日本第一天丼」之稱嘅「金子半之助」試吓佢地嘅天婦羅丼飯，聽講佢地用嘅丼飯醬汁係三百年來從不外傳嘅古老秘方。揭了揭餐牌就決定嗌價值 $118 嘅《二丼•麵》套餐 (包括：迷你丼 + 稻庭烏冬/北海道蕎麥麵)，怕唔夠飽，所以追加了《鮭魚親子天押壽司》。唔洗10分鐘，侍應好優雅地將一大盤野放喺我地面前，我就睇住嗰碗迷你丼懷疑咗 20 秒人生：究竟甚麼是「迷你」呢？不過，話說回來，又幾好食都...食得哂。醬汁當然超正，但值得一提是那舊乜乜菇菌天婦羅，口感幾特別，爽脆多汁唔太油膩，值得一試。至於鮭魚押壽司，簡直醋味十足，都幾...特別。總括而言，金子半之助嘅天丼的確可以用「美味」來形容，咁嘅價錢有咁嘅份量算幾抵食。餐廳環境乾淨舒適，唯坐位不算太寬敞但可理解。