影片
更多
2023-09-08
373 瀏覽
之前都聽過尖沙咀滾得棧食打邊爐好出名 朋友講先知原來佢午市係飲茶食點心 仲幾有水準添 今日咁啱去尖沙咀就試吓先🫖✌🏻平時飲茶可能黎黎去去都係蝦餃燒賣呢d 傳統點心 食得多都會想試吓d 新款嘅精緻點心 但係到頭來可能表面公仔造型 但內裡都係同一樣野 而滾得棧就出左一系列突破傳統嘅點心 啱晒我呢d 好奇心重嘅人😍青芥脆蝦小漢堡（兩件）$38你無睇錯我無打錯 真係飲茶有得叫漢堡包架 兩個小漢堡脹卜卜 青芥末辣得黎唔會好搶口 成個味道都好配合 脆蝦堡仲比快餐店嘅好食好多 🍔愛心白汁芝士磨菇雞批 (3件）$42雞批酥脆 芝士喺面焗到半溶🧀略略見到裡面嘅白汁 口大嘅話可以一啖一個就最滋味 因為原來入面係好juicy 有爆餡嘅感覺 唔似平時果d 咁乾身咁滯 食完一個接一個都唔夠喉 🥧迷你清酒雲吞雞 (1份）$38雞湯浸住雲吞同雞肉粒 雲吞皮薄餡靚 湯底清甜可口 唔會有好濃嘅清酒味 小朋友都可以食👧🏻 雞肉粒嫩滑 吸晒d 湯汁 真係無喺其他酒樓見過呢個點心 直頭係將上海雲吞雞嘅精華放晒喺一個蒸籠入面🐣黑松露蒸燒賣（2件）$26燒賣大大粒 雖然本身就同平時食開嘅燒賣一樣 但係將面頭嘅蟹子變咗做黑松露 成
平時飲茶可能黎黎去去都係蝦餃燒賣呢d 傳統點心 食得多都會想試吓d 新款嘅精緻點心 但係到頭來可能表面公仔造型 但內裡都係同一樣野 而滾得棧就出左一系列突破傳統嘅點心 啱晒我呢d 好奇心重嘅人😍
青芥脆蝦小漢堡（兩件）$38
你無睇錯我無打錯 真係飲茶有得叫漢堡包架 兩個小漢堡脹卜卜 青芥末辣得黎唔會好搶口 成個味道都好配合 脆蝦堡仲比快餐店嘅好食好多 🍔
愛心白汁芝士磨菇雞批 (3件）$42
雞批酥脆 芝士喺面焗到半溶🧀略略見到裡面嘅白汁 口大嘅話可以一啖一個就最滋味 因為原來入面係好juicy 有爆餡嘅感覺 唔似平時果d 咁乾身咁滯 食完一個接一個都唔夠喉 🥧
迷你清酒雲吞雞 (1份）$38
雞湯浸住雲吞同雞肉粒 雲吞皮薄餡靚 湯底清甜可口 唔會有好濃嘅清酒味 小朋友都可以食👧🏻 雞肉粒嫩滑 吸晒d 湯汁 真係無喺其他酒樓見過呢個點心 直頭係將上海雲吞雞嘅精華放晒喺一個蒸籠入面🐣
黑松露蒸燒賣（2件）$26
燒賣大大粒 雖然本身就同平時食開嘅燒賣一樣 但係將面頭嘅蟹子變咗做黑松露 成個味道就變得唔一樣 好奇妙咁變咗有少少西餐嘅感覺 但係又match 到 成功將呢個傳統嘅框框打破🧆
脆炸墨蝦荔枝球 (3件) $42
呢個係我最期待嘅 因為喺menu 見到佢可愛嘅造型 打卡一流 一咬落去 好脆同超級熱 不愧全部點心即叫即蒸/炸 佢用左墨魚膠同蝦膠撈埋黎炸 所以特別彈牙同鮮甜 面頭扮演荔枝紋嘅脆米令我諗起加薯片落乳漿炸野 令到脆上加脆 🍘
炸蝦餅 $108
超級大塊嘅炸蝦餅 仲大過我塊面 有自己試過整嘅都知要整一塊蝦膠係要用幾多隻蝦 幾多時間心機去撻 呢塊咁大嘅真係功夫菜 而味道我覺得係絕對有水準 可以超越好多泰國菜館 🦐
整體每件點心都精緻有份量 即叫即整熱辣辣 價錢都合理 而且款式選擇多又新穎 推介👍🏻
🍽️滾得棧 (尖沙咀)
📍尖沙咀棉登徑17-23號華楓大廈地下1A號舖及1樓 (港鐵尖沙咀/尖東站N1出口 步行2分鐘)
張貼
