影片
更多
2020-05-31
1852 瀏覽
講起印度菜，平時都只係聯想到印度咖喱、印度薄餅，但係食完Pizza Max Bistro之後就發現，原來印度菜唔止咁簡單！呢間餐廳嘅位置喺佐敦嘅內街、屬於比較靜嘅地帶，由於唔係好近彌敦道嘅大街，附近人流唔算多，由地鐵站過去亦都大概要行10分鐘，對面亦有幾間酒吧，適合三五知己過黎食餐飯、飲杯野！正正因為餐廳嘅位置並唔係大街，如果唔係刻意上網去搵都未必留意呢間餐廳。事源就係最近出街食飯都係食日、韓、台，所以就同朋友抱住「試伏」嘅心態喺網上揀咗佐敦呢間印度/多國菜，發掘一下除咗咖喱之外嘅其他印度菜式！意想唔到，由試伏變咗有驚喜，亦都增加咗我對印度菜嘅興趣！-餐廳唔算好大，唔知係咪因為限聚令未過，今晚黎食飯嘅人亦唔算好多，坐得好舒服，大聲啲講野都唔怕嘈親隔離枱嘅人！ 餐廳盡頭係吧枱嘅位置，望落好精緻亦有好多酒品選擇，而呢度嘅signature cocktail價錢唔算好貴，大概60-70蚊一杯，不過因為第二日要翻工所以淨係嗌咗蘋果汁🍹。餐廳內部裝修偏向以dark color為主，比較簡約，牆上面掛咗啲風格畫，提升咗整間餐廳嘅情調，餐廳亦keep住播啲jazz mu
呢間餐廳嘅位置喺佐敦嘅內街、屬於比較靜嘅地帶，由於唔係好近彌敦道嘅大街，附近人流唔算多，由地鐵站過去亦都大概要行10分鐘，對面亦有幾間酒吧，適合三五知己過黎食餐飯、飲杯野！正正因為餐廳嘅位置並唔係大街，如果唔係刻意上網去搵都未必留意呢間餐廳。

事源就係最近出街食飯都係食日、韓、台，所以就同朋友抱住「試伏」嘅心態喺網上揀咗佐敦呢間印度/多國菜，發掘一下除咗咖喱之外嘅其他印度菜式！意想唔到，由試伏變咗有驚喜，亦都增加咗我對印度菜嘅興趣！
-
餐廳唔算好大，唔知係咪因為限聚令未過，今晚黎食飯嘅人亦唔算好多，坐得好舒服，大聲啲講野都唔怕嘈親隔離枱嘅人！ 
餐廳盡頭係吧枱嘅位置，望落好精緻亦有好多酒品選擇，而呢度嘅signature cocktail價錢唔算好貴，大概60-70蚊一杯，不過因為第二日要翻工所以淨係嗌咗蘋果汁🍹。
餐廳內部裝修偏向以dark color為主，比較簡約，牆上面掛咗啲風格畫，提升咗整間餐廳嘅情調，餐廳亦keep住播啲jazz music，好有氣氛，啱晒食完飯繼續坐喺度同frd吹水hea下，所以我地5個女人都坐到差唔多收鋪先走！-
頭盤
去到揀食物方面，餐牌中英對照，非常方便，對於我呢啲英文差又懶得google translate嘅人黎講真係一個懶人恩物！沙律
雖然餐廳已印度作為主題，但無論係頭盤、沙律、到主菜、廚師精選、意粉等等，其實都有好多西餐嘅選擇，一啲都唔會好似好悶剩係得咖喱揀！
Pizza
由餐牌所見， Pizza嘅選擇特別多，甚至可以自己配搭出最啱口味嘅Pizza ！
值得一提嘅係，只要加多$40就可以喺pizza上面食到水牛芝士，非常抵呀！
主菜
咖哩
飯
Dish of the day
-經過一番掙扎之後，前菜我哋order左一個蒸嘅momo、一個炸嘅momo同埋一份沙律。
特製醬雞餃（炸）
$75
88 瀏覽
3 讚好
0 留言
特製醬雞餃（蒸）
$70
74 瀏覽
3 讚好
0 留言
-
雞肉牛油果沙律 Chicken and Avocado Salad
$125
68 瀏覽
3 讚好
0 留言
-
去骨牛油烤咖喱雞配蒜蓉烤餅 Garlic Naan
$109
62 瀏覽
3 讚好
0 留言
首先講下呢個必食嘅去骨牛油烤咖喱雞（$109）配蒜蓉烤餅 Garlic Naan （$28），啱啱上菜已經聞到好香牛油味，而烤餅亦係新鮮熱辣辣出爐，嚟到啲煙不斷升起。咖喱同個烤餅非常match，咖喱味食得出比較重Coconut milk，加埋牛油，個質感好滑，但同時亦都比較好「漏」所以食咗一小塊咖啡烤餅已經覺得好飽好濟。至於個雞因為已經去咗骨嘅緣故，所以食得好舒服，啖啖肉，而且整得好嫩唔會overcook咗，超級推薦👍🏻👍🏻！

牛油烤餅 Butter Naan
$24
58 瀏覽
3 讚好
0 留言
-
公司特選薄餅 Max’s Special Pizza （L size）
$179
83 瀏覽
3 讚好
0 留言
由於我哋有個朋友係對芝士敏感，我哋同店員講咗之後佢都好細心幫我哋淨係放咗半邊pizza有芝士，留返半邊係冇芝士比我朋友可以食到。呢個Pizza係簿批，好足料，一切開啲topping已經跌曬出黎！味道黎講呢就唔算好impressive ，不過一定好食過Pizza Hut DHL嗰啲連鎖薄餅店！
-
意大利式餃子 Tortellini
$120
65 瀏覽
3 讚好
0 留言
Extra Cheese
48 瀏覽
3 讚好
0 留言
總括嚟講呢間印度fusion菜餐廳10分滿黎講絕對值得8分，每一碟餸都食得出係認真製作，而且好多樣化，最後埋單每人都唔駛140蚊，性價比極高！唯一美中不足就係呢度嘅餐牌冇甜品，如果有埋甜品就真係完美啦！
🦕 by 周 - 圍 食 👁
張貼
