Anjappar Chettinad Indian Restaurant

營業中

休息中

以前聽開朋友話食印度菜，心諗一定係好污穢好難食！今日去到尖沙咀哩間都幾出名既印度餐廳，真係完全會改變你既諗法！原來印度菜都可以咁好味，不但印度人去食，好多香港人都有食！台面擺左既係枝裝水同埋有個葉放左係碟上面，吾知係用黎吸油定係擺設架呢🙈🙈印度菜必叫一定係薄餅，我地叫左原味同芝士味💖💖😍😍！再叫左個印度咖哩雞醬去配搭，真係超級好味😭😭完全係食吾停口！平時我會覺得薄餅好油好肥！但係佢哩個整左超香，都吾會一堆油咁擺入口，點埋個醬，小小辣！個人比較推介原味，比較傳統風味！佢配埋個醬，用個手黎食，融入佢地既文化，個雞肉份量吾算多，不過香料配搭得好出色，必點之選！野飲就叫左杯芒果汁，但佢絕對叫吾上係汁🙈🙈因為好杰身，飲落去都好飽肚下！酸酸地甜甜地，好開胃！熱玫瑰炸奶球既價錢都吾算好平，不過如果鐘意食甜品既朋友都可以試下，真係好甜🙈🙈完全係印度人既口味！入面仲有練奶，口感係食緊一堆椰子絲融左既糖咁！