影片
更多
2022-11-11
454 瀏覽
又到擦大閘蟹嘅季節喇！我唔算好好食喱味嘢不過老婆大人鍾意囉喎我梗奉陪啦，不過梗係要去信得過嘅地方開餐起碼知道啲蟹來源安全可靠嘛！所以就同埋班朋友去咗帝京酒店嘅帝京軒食當造嘅龍宮蟹皇盛宴。喱個套餐有成7道菜大部份人肯定夠飽，不過難得喱晚人多我哋仲叫多幾樣餸一於食爆佢！先嘆咗第一樣懷舊芝麻虎蝦多士配金榜蟹醬。蝦多士用咗成隻虎蝦嚟整勁鮮味，食落仲脆卜卜好鬼彈牙添，加咗個金榜蟹醬一齊食再多咗啲鮮味好正架。跟住喱個珊瑚元貝蟹粉鮮奶盞個樣好突出食落味道仲好有驚喜，尤其個好似炒蛋嘅物體，初初大家未知菜名嗰陣我哋好似超級無敵估歌仔咁估係咩嚟笑爆咀。開估原來佢係炒鮮奶嚟不過梗係冇咁簡單啦！因為師傅加咗蟹粉落去推啲鮮奶所以有奶味之餘仲有蟹味，加埋粒鮮甜嘅元貝同埋三文魚籽就鮮上加鮮。喱個用火爐仔上嘅係甜梅菜一口東坡肉，最鍾意食喱啲肥嘢不過減緊肥嘅老婆大人就陰公啲，食咗一啖就要奉獻咗比我唯有幫吓口啦哈哈哈。話就話一口其實件東坡肉都好鬼厚吓，一嘢咬落去質地好鬆化唔痴牙，甜梅菜嘅味道仲好醇香添，不過最邪惡嘅其實係底下嘅菜，吸晒啲豬油同醬汁勁好食。邪惡完緊係要清一清個口啦！喱個時候送嚟嘅葛仙米泉竹花膠泡斑球就啱晒喇
喱個套餐有成7道菜大部份人肯定夠飽，不過難得喱晚人多我哋仲叫多幾樣餸一於食爆佢！先嘆咗第一樣懷舊芝麻虎蝦多士配金榜蟹醬。
蝦多士用咗成隻虎蝦嚟整勁鮮味，食落仲脆卜卜好鬼彈牙添，加咗個金榜蟹醬一齊食再多咗啲鮮味好正架。
跟住喱個珊瑚元貝蟹粉鮮奶盞個樣好突出食落味道仲好有驚喜，尤其個好似炒蛋嘅物體，初初大家未知菜名嗰陣我哋好似超級無敵估歌仔咁估係咩嚟笑爆咀。
開估原來佢係炒鮮奶嚟不過梗係冇咁簡單啦！因為師傅加咗蟹粉落去推啲鮮奶所以有奶味之餘仲有蟹味，加埋粒鮮甜嘅元貝同埋三文魚籽就鮮上加鮮。
喱個用火爐仔上嘅係甜梅菜一口東坡肉，最鍾意食喱啲肥嘢不過減緊肥嘅老婆大人就陰公啲，食咗一啖就要奉獻咗比我唯有幫吓口啦哈哈哈。
話就話一口其實件東坡肉都好鬼厚吓，一嘢咬落去質地好鬆化唔痴牙，甜梅菜嘅味道仲好醇香添，不過最邪惡嘅其實係底下嘅菜，吸晒啲豬油同醬汁勁好食。
邪惡完緊係要清一清個口啦！喱個時候送嚟嘅葛仙米泉竹花膠泡斑球就啱晒喇！一粒粒啡色嘅葛仙米究竟係也東東芫茜蔥？原來佢唔係米嚟架而係可以食嘅藍藻質地滑嘟嘟咁冇乜特别味道，不過加埋馬明條女(靚湯)味道就very good喇。
另外仲有花膠同埋斑球喺入面，喱個真係充滿豐富蛋白質嘅菜式啊。
嚟到喱晚嘅重頭戲清蒸江蘇大閘蟹上枱喇，四兩半重嘅蟹公人人都有一隻。
唔好話我晒命呀擦蟹有老婆大人服侍，我淨係印印腳就有得食爽呀！
喱條仔都幾夠膏雖然我唔算鍾意淨食膏，不過撈埋啲蟹肉一齊食都咪話唔正。
之後例牌有杯熱辣辣嘅薑茶暖番個胃，飲咗啖嘩真係好夠薑好辣呀！
我地仲散叫咗三樣正餸喱個係大家都想食嘅金牌黑豚叉燒，喱舊叉燒夠淋夠滑得嚟又唔太肥好食呀。
跟住仲有蜜椒蔥香焗美國桶蠔，肥嘟嘟嘅桶蠔用蜜椒同埋京蔥爆到香噴噴，蠔膽夠鮮甜裙邊一啲都唔韌真係隻好蠔，比埋貼士你哋記得食埋啲料頭呀。
凍凍哋再叫多個砂鍋古法扣雙冬羊腩嘆吓，喱個羊腩真係不得了炆得夠淋食落羶香濃郁好夠味，可惜老婆大人唔食羊所以我決定要揾班老死再戰喱個羊腩煲。
然後返去套餐嘅尾二喱道菜荷香銀鈎臘味糯米飯，份量啱啱好嘅糯米飯食落好軟熟，加埋啲潤腸同臘腸呀真係感受到冬天要嚟喇。
最後仲有薑茶金薯芝麻湯圓做糖水，香甜嘅番薯加埋煙韌嘅湯圓食完飽晒。
帝京軒
地址： 旺角太子道西193號帝京酒店3樓
電話：26226161
張貼
