影片
更多
2019-09-17
68 瀏覽
夜晚就同左家姐去左南昌食野，平時都好少機會黎到，今次就由家姐帶我搵好野食，係香港搵間又高質又岩我心水嘅日式居酒屋都真係唔容易，無可否認今次呢間居酒屋岩哂我地兩個嘅水心。果日我地唔算好肚餓，於是就叫左一個主食，其他都係小食同前菜，咁就可以食多啲唔同種類嘅野食，我地仲係安排坐係吧枱，可以一直睇住師傅整野食，即叫即做。松葉蟹肉野菜沙律：只係沙律菜可能唔係個個都鍾意食，但呢道加左好多嘅松葉蟹肉同蟹籽，馬上加左唔少分，蟹肉好鮮甜又嫩，加埋脆卜卜嘅蟹籽，增加口感，而且都好大碟，絕對唔係一道簡單嘅前菜。海膽酒盜芝士：梳打餅上放上海膽、酒盜同軟滑芝士，入口先有海膽嘅鮮甜味，再帶有酒盜同芝士嘅鹹香味，香味揮之不去，味道非常豐富，呢道小菜配酒一流！火炙和牛壽司：長長一件和牛，經過微微火燒後，帶有一份甘香味，上面加上香蔥粒同蒜蓉，兩樣都係我再鍾意嘅，帶有蒜辣味，好惹味！鹽燒牛舌：識食一定要食牛舌，呢串真係超高水準。厚切牛舌即叫即燒，口感豐富，有充分牛香，只係加少少鹽同檸檬汁已經好好味！自家製免治燒雞棒：餐廳推薦呢道串燒，先將雞蛋搞爛作為醬汁，食之前點一點蛋汁，令口感更加香滑，啖啖雞肉，仲有大粒雞肉，口感豐富
果日我地唔算好肚餓，於是就叫左一個主食，其他都係小食同前菜，咁就可以食多啲唔同種類嘅野食，我地仲係安排坐係吧枱，可以一直睇住師傅整野食，即叫即做。
松葉蟹肉野菜沙律：只係沙律菜可能唔係個個都鍾意食，但呢道加左好多嘅松葉蟹肉同蟹籽，馬上加左唔少分，蟹肉好鮮甜又嫩，加埋脆卜卜嘅蟹籽，增加口感，而且都好大碟，絕對唔係一道簡單嘅前菜。
海膽酒盜芝士：梳打餅上放上海膽、酒盜同軟滑芝士，入口先有海膽嘅鮮甜味，再帶有酒盜同芝士嘅鹹香味，香味揮之不去，味道非常豐富，呢道小菜配酒一流！
火炙和牛壽司：長長一件和牛，經過微微火燒後，帶有一份甘香味，上面加上香蔥粒同蒜蓉，兩樣都係我再鍾意嘅，帶有蒜辣味，好惹味！
鹽燒牛舌：識食一定要食牛舌，呢串真係超高水準。厚切牛舌即叫即燒，口感豐富，有充分牛香，只係加少少鹽同檸檬汁已經好好味！
自家製免治燒雞棒：餐廳推薦呢道串燒，先將雞蛋搞爛作為醬汁，食之前點一點蛋汁，令口感更加香滑，啖啖雞肉，仲有大粒雞肉，口感豐富，雞肉嫩滑，外面燒至金黃色，帶有焦香味。
無花果土瓶湯：以帶子、蝦、冬菇、無花果等等嘅食材製作湯品，食前滴上檸檬汁，帶出鮮味，飲落味道非常鮮甜，熱熱地好暖胃，飲完之後仲帶有無花果嘅甘香味。
唐揚雞軟骨粒：炸得好脆卜卜，好有咬口，個人鍾意點上沙律醬食，味道豐富而示油膩。
吞拿魚腩蓉丼：餐廳安排左奶白色嘅魚湯比我地倒落丼飯到提升鮮味，吞拿魚腩蓉鮮甜，入口即溶，加上魚湯，鮮甜更加濃郁，同吞拿魚腩蓉非常之夾。
呢間日式居酒屋製作料理手法好正宗，同我係日本食嘅味道好似，值得食完再食，下次帶埋豬豬試下先～
張貼
