漁釧 (V Walk) (已結業)

放工返屋企途中，經過V walk，想食日本野，就揀左漁釧試吓。嗌左美國牛小排壽喜燒湯鍋+手作烏冬：牛肉味夠濃，而且食落去入口即融，而且啲配料都好多。娃娃菜+小唐菜完全吸收晒壽喜燒嘅甜味！之後個烏冬應該係稻庭烏冬，因為食落去非常彈牙，而且烏冬掛到壽喜燒嘅精華！之後嗌左火炙三文魚壽司，每舊好大件，每片亦都好厚切，而且燒過嘅三文魚有半融化嘅狀態，廚師的確好唔客氣另外嗌左珍寶牡丹蝦壽司，火炙平目魚邊壽司，火炙珍寶帶子壽司。牡丹蝦：新鮮得黎，亦都好爽口鮮甜。平目魚：亦都非常肥美，入口即融。珍寶帶子：非常大粒，燒過嘅帶子增添左鮮甜度。串燒方面，嗌左牛舌、雞翼、大蔥雞肉。牛舌：咬落去非常爽口，唔會覺得好韌，而且好重牛肉味雞翼：燒得好香口，啖啖都係肉，size適中大蔥雞肉：免治雞肉，食落去好嫩，而且輕輕燒過嘅大蔥，亦都可以中和下岩先嘅飽膩感。總括然而，呢間居酒屋性價比的確好高，食物質素對得住個價錢，中意食嘅朋友必試呢間呀！