Parallel

營業中

休息中

最近聽好多朋友提及位於觀塘呢間西餐廳有半自助餐食，今日約個朋友聚一聚。《Parallel》的半自助餐餐牌上主菜有好多選擇：牛扒、羊架、手工意粉、牛肋骨及意大利飯等等。前菜有多款沙律、冷切肉、煙三文魚好香甜、芝士，仲有幾款海鮮，包括青口、翡翠螺同白蝦都好新鮮，全部都係任食。是日餐湯~忌廉南瓜湯又香又滑。卡邦尼QQ彈簧麵(鹹蛋/綠茶/傳統卡邦尼)~我哋揀咗鹹蛋，特別啲，曲曲意粉好可愛，條條掛滿鹹蛋卡邦尼醬汁，味道香濃非常可口。自家製蜜糖煙燻伊比利亞黑毛豚肉配牛油飯~上菜時仍然見到煙燻效果，店員開蓋時聞到濃濃嘅煙燻味道，基本上給牛油飯吸收了，黑毛豚肉入口嫩滑，感覺似叉燒，絕對有驚喜，堅好食！這餐廳活動包場有9折，好適合大班朋友聚會。