影片
更多
2024-12-04
1468 瀏覽
第一次出post就決定獻俾呢間餐廳🙈先嚟個總結： 正價可以食，半價一定要食！今次係第二次食呢間餐廳，兩次都係經網上訂座平台book，6:00/6:30呢啲食飯時間都有半價優惠，折咗之後平均每個人$200都唔使，就有半自助晚餐食，而且仲要有海鮮！半自助晚餐有沙律bar 同海鮮，第一次食嘅時候，個青口同螺係有驚艷到，估唔到$200都食到新鮮有質素嘅海鮮，蝦就麻麻地，第二次食就反而蝦嘅有蝦味🤣同彈牙，其他就麻麻地，睇嚟要睇每一期嘅入貨，但咁嘅價錢可以話係絕對收貨！沙律bar就正正常常自助餐質素。晚餐包埋餐湯，應該係薯仔忌廉湯，幾creamy好飲！今次嗌咗兩個主菜，一啲都唔馬虎，一個鴨髀同一個鱸魚，比較推介食鴨髀，好有鴨味，煎得啱啱好，個醬都調得好好，好夾，鱸魚就比較一般，本身鱸魚比較淡味，建議餐廳調味可以落得重手啲！總括嚟講，呢間餐廳絕對值得一試，埋單兩個人連加一都係$390，服務態度都正正常常，唔使嗌人都會自動斟水，有機會都會再食，我會比呢間餐廳四粒半星！🌟🌟🌟🌟✨
先嚟個總結： 正價可以食，半價一定要食！
今次係第二次食呢間餐廳，兩次都係經網上訂座平台book，6:00/6:30呢啲食飯時間都有半價優惠，折咗之後平均每個人$200都唔使，就有半自助晚餐食，而且仲要有海鮮！
半自助晚餐有沙律bar 同海鮮，第一次食嘅時候，個青口同螺係有驚艷到，估唔到$200都食到新鮮有質素嘅海鮮，蝦就麻麻地，第二次食就反而蝦嘅有蝦味🤣同彈牙，其他就麻麻地，睇嚟要睇每一期嘅入貨，但咁嘅價錢可以話係絕對收貨！沙律bar就正正常常自助餐質素。
晚餐包埋餐湯，應該係薯仔忌廉湯，幾creamy好飲！
今次嗌咗兩個主菜，一啲都唔馬虎，一個鴨髀同一個鱸魚，比較推介食鴨髀，好有鴨味，煎得啱啱好，個醬都調得好好，好夾，鱸魚就比較一般，本身鱸魚比較淡味，建議餐廳調味可以落得重手啲！
總括嚟講，呢間餐廳絕對值得一試，埋單兩個人連加一都係$390，服務態度都正正常常，唔使嗌人都會自動斟水，有機會都會再食，我會比呢間餐廳四粒半星！🌟🌟🌟🌟✨張貼
