影片
更多
2025-02-23
459 瀏覽
我同女朋友晏晝行北角出嚟玩，啱啱又撞入咗間好有feel嘅Steakhouse——La Parrilla Steakhouse。入到去就覺得環境好型，裝修現代又舒服，燈光柔和，背景音樂又輕鬆，真係好適合輕鬆食餐嘢同傾偈。我哋揀咗個set lunch ($218pp) ， 包括咗餐前麵包、前菜、主菜同埋任食嘅蒜香薯條。首先上場嘅係餐前麵包，外皮脆脆，裏便軟有彈性，啱啱熱辣辣嘅，再配上黑醋橄欖油，絕對唔輸牛油，食落口感層次好豐富。跟住就有第一道前菜—阿根廷檸汁醃蝦。蝦肉清脆彈牙，每一啖都有紅心蘿蔔、蕃茄仔、芫荽同埋紫薯脆片，層次感十足，酸酸甜甜好開胃！第二道前菜係番茄濃湯。呢碗濃湯一飲就知係用真材實料煮出嚟，蕃茄味道濃郁又帶啲酸酸嘅感覺，係一個唔錯嘅清爽開場。主菜方面，我哋各自試咗唔同款式。我係選咗Ojo de Bife — 肉眼扒，上枱嗰陣隻碟仲係暖嘅，賣相滿分！未食已經聞到陣陣牛扒香同蒜香味。切開一睇，肉質粉嫩，入口多汁，油脂豐富，真係滿足到爆！而我女朋友就揀咗Grilled Spatchcock Chicken（烤雞）。個雞用Chimichurri醬醃得入味，加埋半個檸檬提味，清新感十
我哋揀咗個set lunch ($218pp) ， 包括咗餐前麵包、前菜、主菜同埋任食嘅蒜香薯條。
首先上場嘅係餐前麵包，外皮脆脆，裏便軟有彈性，啱啱熱辣辣嘅，再配上黑醋橄欖油，絕對唔輸牛油，食落口感層次好豐富。
跟住就有第一道前菜—阿根廷檸汁醃蝦。蝦肉清脆彈牙，每一啖都有紅心蘿蔔、蕃茄仔、芫荽同埋紫薯脆片，層次感十足，酸酸甜甜好開胃！
第二道前菜係番茄濃湯。呢碗濃湯一飲就知係用真材實料煮出嚟，蕃茄味道濃郁又帶啲酸酸嘅感覺，係一個唔錯嘅清爽開場。
主菜方面，我哋各自試咗唔同款式。我係選咗Ojo de Bife — 肉眼扒，上枱嗰陣隻碟仲係暖嘅，賣相滿分！未食已經聞到陣陣牛扒香同蒜香味。切開一睇，肉質粉嫩，入口多汁，油脂豐富，真係滿足到爆！
而我女朋友就揀咗Grilled Spatchcock Chicken（烤雞）。個雞用Chimichurri醬醃得入味，加埋半個檸檬提味，清新感十足。雞肉出乎意料咁嫩滑多汁，每一啖都令我感受到濃厚嘅烤香味同香料氣息，真係比我預期中更加好味。
set lunch入面仲包任食蒜香薯條，啱啱炸好熱，蒜香夠濃，口感外脆內軟，仲係我哋最鐘意嘅幼身款。
另外，我哋加咗個+ $68嘅配菜 — 西蘭花青豆。呢份配菜用輕微煎香處理，解膩又有啲清新感，雖然味道唔會話太特別，但整體上同其他濃郁嘅菜品配埋都相當平衡。
除咗食物，唔少得嘅仲係服務同氣氛。店員態度親切，點餐同上菜速度都幾快，環境、食物同氛圍都令我哋食得滿足。
總括黎講，La Parrilla Steakhouse真係一個值得推薦嘅地方，無論係同朋友、情人或家庭聚餐，都可以喺呢度享受一個高質素嘅用餐體驗。下次嚟北角一定會再試多啲其他菜式，等我慢慢發掘更多驚喜！
張貼
