夏麵館 (新都城中心二期)

營業中

休息中

午餐今次真係平靚正，套餐有齊麵或者飯，小食同飲物，仲可以加個甜品，以上海菜黎講一啲都唔貴！準時12:00入去唔算多人，卡位任坐。我地兩個人當然每人一個餐，點心仲可以升級做一碟小食更滿足。先上菜既糖醋小排同上海醬鴨賣相好吸引，兩款都已經比好多醬汁浸住，變到咁深色一定醃到好夠味。糖醋小排佔滿甜酸汁，又惹味又開胃，排骨肉入味得黎又煙韌，好似肉乾咁香口！醬鴨同樣又淋又香酥，跟餐小食黎講都幾大份，食極都仲有。主菜就叫左回鍋肉粗炒，比平時食開既上海粗炒加多左啲四川麻辣味好過癮。