Rustico

營業中

休息中

喺D2 Place地下有一間西班牙菜經常滿座，今次提早book位，lunch時段去冇咁多人，而且lunch set亦好抵食。西班牙白毛豬火腿配特選蜜瓜及沙律味道比黑毛豬淡，但充滿住鹹香味同埋果香味，夾住甜甜嘅蜜瓜食好清新。自家製蕃茄醬煮新鮮大蜆, 小八爪魚及海蝦蕃茄醬酸酸甜甜，海鮮整體來講新鮮，海蝦肉質鮮，前菜來講份量都算多。日本空運魷魚燴墨汁西班牙飯一上枱已經見到超大盤西班牙飯，用料特別，魷魚係日本空運貨，非常新鮮食落去彈牙爽口，加咗墨魚汁煮嘅飯非常鮮味，高質之選，而且非常抵食。香煎海鱸魚拌烤南瓜另一高質之作，海鱸魚肉質結實，海水味較重，配菜烤南瓜🎃甜甜地。