影片
更多
2022-09-14
1506 瀏覽
約咗位老死食晏，要佢專登過嚟港島區，所以，食好少少揀咗晌金鐘太古廣場嘅「Apinara」，主打正宗泰國菜，更喺連續多年獲選為泰國曼谷最佳食府，心諗夠穩陣，加上地點佢同我都就腳。午市過到嚟，都真喺幾人山人海，完全唔覺依家新冠喺日日有過萬宗確診，完全喺疫下新常態。其實餐廳都幾大，好似橫跨幾個鋪位咁，裝修摩登而有格調。不過，我哋想快啲入座，所以，唔介意坐吧枱，其實，吧位嗰邊有啲自成一角，感覺仲闊落。午市人流旺，出餐要快，主打就梗喺套餐，一共8款選擇，包餐湯、精選沙律、小食、甜品及指定餐茶，定價$180-$200。此外，仲有啲加配嘅升級優惠同泰式特飲。反轉背面，就喺散點餐牌，包括前菜、湯品、主食、飯麵、甜品……等等，當然，以午餐嘅組合喺相宜啲，我哋亦簡簡單單叫兩份午餐，配杯泰式特飲。泰式滷水豬手配白飯 $180老友諗住呢款喺每日限量，所以，就睇啱佢，咪講笑，睇落比餐牌相片仲要多，大大堆豬手肉，加上滷豆腐、溏心滷蛋、泰式鹹菜，再加埋餐湯、配菜，可謂分量十足。餐湯佢就揀冬陰功，睇色澤就好對辦，飲過先知堅定流，佢話味道好濃厚，辣度溫和，帶微微酸同少少香料味，飲落頗為開胃，而裡面嘅蝦肉亦都又大又鮮，整
午市過到嚟，都真喺幾人山人海，完全唔覺依家新冠喺日日有過萬宗確診，完全喺疫下新常態。其實餐廳都幾大，好似橫跨幾個鋪位咁，裝修摩登而有格調。不過，我哋想快啲入座，所以，唔介意坐吧枱，其實，吧位嗰邊有啲自成一角，感覺仲闊落。
午市人流旺，出餐要快，主打就梗喺套餐，一共8款選擇，包餐湯、精選沙律、小食、甜品及指定餐茶，定價$180-$200。此外，仲有啲加配嘅升級優惠同泰式特飲。
反轉背面，就喺散點餐牌，包括前菜、湯品、主食、飯麵、甜品……等等，當然，以午餐嘅組合喺相宜啲，我哋亦簡簡單單叫兩份午餐，配杯泰式特飲。
泰式滷水豬手配白飯 $180老友諗住呢款喺每日限量，所以，就睇啱佢，咪講笑，睇落比餐牌相片仲要多，大大堆豬手肉，加上滷豆腐、溏心滷蛋、泰式鹹菜，再加埋餐湯、配菜，可謂分量十足。
餐湯佢就揀冬陰功，睇色澤就好對辦，飲過先知堅定流，佢話味道好濃厚，辣度溫和，帶微微酸同少少香料味，飲落頗為開胃，而裡面嘅蝦肉亦都又大又鮮，整體嚟講，真喺唔錯。
啲豬手又點呢？小弟都試咗嚿，揀咗件連皮嘅，入口肉質確喺超鬆化，皮下脂肪食落又唔覺好油膩，骨膠原強勁，沾上自家製辣醬，更顯惹味；佢仲話滷豆腐、滷蛋都好入味，加上隻蛋有溏心效果，自然可以再加啲分。
黃咖喱雞配白飯 $180無論黃咖喱、青咖喱、紅咖喱，泰式咖喱一向有賣點，小弟都算算哋喺食肉獸，所以，選上黃咖喱雞飯，同埋，呢一款亦喺店家嘅推介菜式。同樣地，配啲餐湯、小食、甜品，整份餐都顯得好豐富。
泰式椰子雞湯印象中都好似好少飲，入口果然滲出清甜嘅椰子香味，感覺又好似滑滑哋，撈一撈，湯內仲有好多雞肉同草菇，又幾唔錯喎。
原來睇餐牌，就話喺精選沙律及小食，依家睇落一個似喺炸菜包及泰式肉碎，前者食落我就覺得好似食緊春卷，好香脆；而後者，唔知點為只正確，我就撈落啲飯度拌勻食，哈哈！
講到個黃咖喱，真喺幾香，唔多辣，啱晒我，撈飯食就當然一流，而雞肉沾滿咖喱汁，就梗喺濃香惹味，再者，啲雞肉夠嫩滑，一口飯，就一口雞肉，好味。此外，仲伴有啲青瓜同青豆，可以作為間場食一食。
甜品喺細細兜嘅芒果西米露，老實講，驚喜就無咩驚喜架啦，平平穩穩咁啦，當喺餐後有啲甜品。
凍泰式咖啡 +$18、龍眼班蘭蜜 +$18因為餐飲得一款指定嘅茶飲，所以，我哋不約而同改咗試啲泰式特飲。老友杯咖啡一嚟到即刻啜咗啖，都影唔切，佢就話唔錯，幾醇厚。而小弟一向都喜歡龍眼冰，呢一杯就用咗班蘭蜜開沖，陣甜味幾純香自然，不過，班蘭味就唔算話好突出，另外，龍眼喺新鮮貨，但就真喺得好少啫。
真喺一排無見，原來老死打算轉工，仲有份心水工已經喺去到第二輪面試，呢餐飯就祝賀佢轉工成功，第時穩定啲可以多啲出嚟一齊行山、踩單車。
張貼
