泰鳩

營業中

休息中

嚟過三次，第一次係晚餐，跟住兩次係午餐，希望食物水準平均至真係寫食評。第一次嚟試晚餐嘅餐單覺得選擇其實唔多，反而午餐嘅餐單以及價錢比較吸引，所以至來試第二次。個人覺得海南雞飯係抵食嘅，除咗雞嘅份量唔少，仲有一碗細細碗嘅冬陰功湯，味道非常唔錯。飯唔係雞油飯，而係椰子飯，食上去冇雞油飯咁油膩。烤春雞感覺上比較乾；媽媽試咗羊扒，羊扒份量兩件唔算多，但係咖喱汁同蒜蓉包就好好味。而且最近去見到佢晚餐都開始出套餐，79元都好抵，應該會比我第一次去嘅時候更加抵食，選擇更多，感覺到餐廳係想有改善增加客源。你唔好當佢係明星開嘅餐廳，就以一般餐廳去理解都係一間值得食個快靚正午餐兼唔收加一嘅地方。