影片
更多
2025-03-20
94 瀏覽
今次我地又午餐時間去打邊爐，因為佢地係6點前離座就有68折，咁抵玩我又唔介意午飯時間去食喎😛呢間火鍋店佢個裝修係中國古裝既宮廷咁，門口仲有張龍椅既打卡位，坐位有紙巾，仲有圍裙提供比客人用，以防整污糟衫，幾抵讚👍🏻蘭陵公主•胡椒酸菜魚鍋（$308）平時食既酸菜魚既湯係油到唔飲得，呢個湯底絕對唔怕，佢冇乜油，湯底味道好惹味，未食野之前先飲幾碗，魚係用龍躉片，都幾大件，啖啖肉咁🐟香香宮煮響鈴拼盤（$98）響鈴拼盤包括有黃金響鈴同普通響鈴，兩款都係即炸，勁脆，黃金響鈴仲可以當小食咁，唔洗放湯就食，我自己就鐘意黃金響鈴多d😄艾莎公主牛肉寳盒（$498）呢個牛肉寶盒有7款唔同既牛部位，分別有手切牛崩沙，手切本地牛肉，新鮮牛展，頂級雪花肥牛，牛黃喉，牛肉粒，牛舌花，鐘意食牛既一定岩食，無論牛肉既賣相定係肉質都係好靚🐮手打鮮牛丸（四粒）（$72）我自己就比較鐘意食牛，要叫埋呢個手打牛丸，牛味新鮮，口感又夠彈牙👏🏻伊比利亞橡果豬（$188）呢個豬肉片都係品質一流，d脂肪分布得好靚，肉質嫩口，同埋肉味夠濃🐷皇帝菜（$52）菜既種類都好多，有我鐘意既皇帝菜，綠色冇黃，滿意🥬自家製足料竹蔗茅根（$78）竹蔗茅
呢間火鍋店佢個裝修係中國古裝既宮廷咁，門口仲有張龍椅既打卡位，坐位有紙巾，仲有圍裙提供比客人用，以防整污糟衫，幾抵讚👍🏻
蘭陵公主•胡椒酸菜魚鍋（$308）
平時食既酸菜魚既湯係油到唔飲得，呢個湯底絕對唔怕，佢冇乜油，湯底味道好惹味，未食野之前先飲幾碗，魚係用龍躉片，都幾大件，啖啖肉咁🐟
香香宮煮響鈴拼盤（$98）
響鈴拼盤包括有黃金響鈴同普通響鈴，兩款都係即炸，勁脆，黃金響鈴仲可以當小食咁，唔洗放湯就食，我自己就鐘意黃金響鈴多d😄
艾莎公主牛肉寳盒（$498）
呢個牛肉寶盒有7款唔同既牛部位，分別有手切牛崩沙，手切本地牛肉，新鮮牛展，頂級雪花肥牛，牛黃喉，牛肉粒，牛舌花，鐘意食牛既一定岩食，無論牛肉既賣相定係肉質都係好靚🐮
手打鮮牛丸（四粒）（$72）
我自己就比較鐘意食牛，要叫埋呢個手打牛丸，牛味新鮮，口感又夠彈牙👏🏻
伊比利亞橡果豬（$188）
呢個豬肉片都係品質一流，d脂肪分布得好靚，肉質嫩口，同埋肉味夠濃🐷
皇帝菜（$52）
菜既種類都好多，有我鐘意既皇帝菜，綠色冇黃，滿意🥬
自家製足料竹蔗茅根（$78）
竹蔗茅根好清甜，一壺夠曬兩個人飲🎋
呢間火鍋店既肉類同湯底都好出色，午市用openrice book位有68折，午市真係抵食，食物都大份同好食☺️
張貼
