十下火鍋

午市通常冇乜人，所以唔使等位，我估大家都係夜晚幫襯，店內環境寬敞，復古裝修，打卡位。午市可以揀食車仔麵，湯底有雞湯，胡椒湯等等選擇，我就一定係揀胡椒湯，胡椒味相當香濃，餸方面有好多選擇，可能仲多過普通嘅車仔麵店，我估最主要原因係因為佢晚市去做火鍋，所以打邊爐嘅配料喺午市就係車仔麵，所以相比起其他車仔麵嚟講高質。送方面必揀嘅係牛丸，正宗潮州味道，仲有滷水雞翼都好好食，好入味。配嘅嘢飲都有好多選擇，應該都係因為晚市做邊爐嘅關係。必食！