火鍋隨意門

營業中

休息中

上網睇到佢做緊優惠，有68折，超級抵食就約埋朋友去。秘製消暑椰漿雞濃湯鍋一上枱椰子味超香濃，湯底入面已有雞件，雞件食落都幾嫩滑，中意椰子嘅唔好錯過。澳洲帶子片帶子片入口鮮甜，口感爽脆。蘋果木煙燻手切牛頸脊(細)牛頸脊牛肉味濃郁，入口嫩滑，用左蘋果木煙燻香味獨特。餃子拼盤有5款唔同味道嘅餃子，餃子皮薄餡多，我最中意蟹黃蟹肉味道，好鮮甜。豐盛蔬菜拼盤真係好豐盛，有娃娃菜，油麥菜，蕃茄，南瓜，金菇，生菜，全部都新鮮爽甜，仲有蘿蔔切到星星形狀。蜂蜜菊花烏龍茶味道清新，打邊爐最岩飲。