雪下覓炙

營業中

休息中

上星期肥雞同屋企人行完海港城之後 ，發現有一間食韓式 和牛燒烤嘅鋪頭門口排咗好多人， 咁肥雞就同屋企人入去試下。因為啱啱出咗bonus， 所以今次肥雞食好啲，嗌咗雪花韓牛肋骨，牛舌， 和牛三筋肉， 傳統醬油五花肉， 雞爽肉，韓國辣八爪魚 , 重試咗個石頭泡菜魚仔飯，最後整多個魚籽湯試下。 先講過雪花韓式牛肋骨， 佢食落去個牛味非常之香濃， 冇日式和牛咁肥膩， 但係嗰陣牛味同日式和牛一樣感香濃， 啱曬啲唔鍾意咁多油花嘅朋友試下。 佢嘅牛舌係薄切， 燒完之後點少少海鹽， 嗰種滿足感真係大到呢… 佢仲有一種叫 和牛三筋肉， 口感同安格斯牛小排一樣，有少少牛嘅韌性之餘，肉質係非常之彈牙。 雞爽肉嘅醃料係用傳統嘅韓式燒烤醬， 雖然好味但係冇咩特別 佢嘅韓國辣八爪魚用咗少少韓式辣醬去醃，燒到比較乾身之後食落去非常之香口。最令肥雞驚訝就係嗰個 魚籽湯， 佢真係用好多魚春同埋魚卵去做，但係食落口一啲都唔腥，值得一試。呢一餐肥雞食得非常之滿足， 食物嘅質素絕對對得起佢嘅價錢。