影片
更多
2018-08-16
1076 瀏覽
男朋友帶左我黎呢間瀧食晏，午市特選二重奏$198包8樣野！非常豐富👅室內環境舒適，多人既可以坐枱~而我就比較喜歡坐bar台喇😆最中意佢入口果個壁畫，好有日本風格🇯🇵成日set有咁多野嫁😍前菜長通粉沙律，未食果陣對佢完全冇咩期望，點知佢每一條長通粉中心都比醬填滿左，每一啖都有野咇出黎🤤呢個凍波菜都整得好食，冇渣，清甜👍《松葉蟹肉滑泉蛋飯》松葉蟹肉極鮮，仲有淡淡海水味，絲絲蟹肉綿密口感，夾埋蛋汁簡單係一試難忘！我同男朋友一致認為呢個最最最好食🤤《碎吞拿魚腩飯》大家都知吞拿魚越淺色越靚，呢個係淡粉紅色所以都唔錯嫁喇，碎吞拿魚腩夠creamy夠蓉，撈飯食一流！《牛肉稻庭烏冬》呢隻稻庭烏冬係幼身果種，冇諗過佢會比生牛肉😆牛味重而且夠淋👍《海鰻天婦羅飯》鰻魚飯就食得多，但海鰻天婦羅真係未試過，呢個飯係第二大驚喜！炸漿一啲都唔厚，緊緊包住海鰻，外面鬆脆魚肉軟又唔會老！重點係海鰻非常大條，有三大舊！《綠茶蕨餅》最後就係呢個甜品喇！蕨餅夠凍而且煙銀，綠茶味濃，係帶小小回甘既正宗綠茶味，可能係得暫時係香港食過最好食既蕨餅🍡呢個午餐真係好豐富！推薦大家黎食哦
$198包8樣野！非常豐富👅
室內環境舒適，多人既可以坐枱~
而我就比較喜歡坐bar台喇😆
最中意佢入口果個壁畫，好有日本風格🇯🇵
成日set有咁多野嫁😍
前菜長通粉沙律，未食果陣對佢完全冇咩期望，點知佢每一條長通粉中心都比醬填滿左，每一啖都有野咇出黎🤤
呢個凍波菜都整得好食，冇渣，清甜👍
《松葉蟹肉滑泉蛋飯》
松葉蟹肉極鮮，仲有淡淡海水味，絲絲蟹肉綿密口感，夾埋蛋汁簡單係一試難忘！我同男朋友一致認為呢個最最最好食🤤
《碎吞拿魚腩飯》
大家都知吞拿魚越淺色越靚，呢個係淡粉紅色所以都唔錯嫁喇，碎吞拿魚腩夠creamy夠蓉，撈飯食一流！
《牛肉稻庭烏冬》
呢隻稻庭烏冬係幼身果種，冇諗過佢會比生牛肉😆牛味重而且夠淋👍
《海鰻天婦羅飯》
鰻魚飯就食得多，但海鰻天婦羅真係未試過，呢個飯係第二大驚喜！
炸漿一啲都唔厚，緊緊包住海鰻，外面鬆脆魚肉軟又唔會老！重點係海鰻非常大條，有三大舊！
《綠茶蕨餅》
最後就係呢個甜品喇！蕨餅夠凍而且煙銀，綠茶味濃，係帶小小回甘既正宗綠茶味，可能係得暫時係香港食過最好食既蕨餅🍡
呢個午餐真係好豐富！推薦大家黎食哦
張貼
