申子居酒屋

營業中

休息中

咁啱喺附近做嘢就同同事去咗申子居酒屋食lunch😗之前都試過食呢間居酒屋嘅晚市，今次就順便試一試佢嘅lunch set～我自己就嗌咗雙層手打和牛漢堡丼，真係超有驚喜🤤漢堡肉餅用嘅係新鮮嘅牛肉，肉質適中，啖啖都好Juicy，咬落去口感真係一流，配埋特製嘅醬汁同日本米，簡直係一個完美嘅組合，食到根本停唔落嚟😍而且漢堡嘅份量足足有兩塊，用嚟送飯絕對有多～男仔食應該都夠飽另外同事就試咗壽司定食配雞白湯烏冬。壽司嘅魚生新鮮得黎種類都好豐富，而且材料嘅選擇一啲都唔求其，有赤蝦海膽等等。而雞白湯烏冬嘅湯底濃郁得嚟唔會太重味精嘅感覺，喝落去暖心暖胃，烏冬又好彈牙，冬天食覺得超舒服，食完之後好滿足😆