御鐵

營業中

休息中

見到有快閃優惠，同埋食評唔錯。就揀咗呢一度同朋友慶祝生日，喺OpenRice預付咗之後，餐廳都會WhatsApp確認你嘅Booking，同埋話俾你聽會有生日寫甜品碟安排。去到餐廳嘅時候，尤其是感覺到一位男經理嘅細心服務。去到嘅時候，佢見到你有濕嘅雨傘，會幫你擺好佢。同埋都會俾個籃你放袋，咁你坐得舒服啲。廚師煮嘢食都好味，亦都會簡單介紹食物俾客人知道。最驚喜係甜品碟，拎出嚟嘅時候，估唔到畫得咁靚。連貓貓下面都有朋友個名。支蠟燭仲有啲火花，唔係嗰啲cheap蠟燭。亦都係因為呢個甜品碟俾咗驚喜我同埋我朋友，所以甚少寫食評嘅我，都想寫食評多謝呢間餐廳。大家快啲趁有快閃，去享用呢個平靚正鐵板燒套餐啦。