銀座炎蔵燒肉

營業中

休息中

同朋友一齊放假就出左荔枝角揾食，喺D2 Place ONE行行下，見到銀座炎蔵燒肉，佢d午市定食幾抵食咁，諗住試吓唔同嘅餐廳，就入咗去。我地嗌左一牛一豬一雞，仲追加左份牛舌share食⭐️L1 和牛極致定食(3種)呢個定食可以一次過試到三種唔同部位嘅和牛，都幾抵食。上後腰脊肉：肉味相對濃郁，鍾意食牛味嘅可以試吓。臀肉蓋：油花分佈得唔錯，燒完入口軟嫩，唔會韌。和牛蕊蕊：油香比較清爽，帶有少少肉嘅甜味，口感細膩。⭐️L9 夢之大地豚肉盛合定食豚肉盛合係薄切，唔會太厚，容易燒熟。油份都幾充足，燒嘅時候會出油，仲好搶火添🤣，燒完食落幾香口。⭐️L11 日本產雞肉盛合定食雞肉盛合份量幾多，雞肉係厚切，燒嘅時候要留意火候，唔好燒焦。因為比較厚，所以要燒耐少少，確保入面燒得熟。因為雞本身都難燒，仲以為會overcook，點知食落仲好嫩滑，好有滿足感呀😍⭐️上等牛舌牛舌係薄切，好快熟，唔使燒太耐。唔怕overcook，又好快食得，正😋總括嚟講，銀座炎蔵燒肉嘅食材新鮮度唔錯，價錢都算合理，如果喺荔枝角想食燒肉，可以考慮呢間。