381
3
6
| 餐廳: | 銀座炎蔵燒肉 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵荔枝角站 D1 出口, 港鐵荔枝角站 D2 出口
繼續閱讀
電話號碼
37098150
開飯介紹
來自銀座的燒肉店，以日本產A4黑毛和牛及其稀有部位作招徠，在日本燒肉專用網上燒製可瞬間鎖緊肉汁，讓你享受高質日式燒肉。
繼續閱讀
營業時間
今日營業
11:30 - 15:30
17:30 - 23:00
星期一至日
11:30 - 15:30
17:30 - 23:00
公眾假期
11:30 - 15:30
17:30 - 23:00
公眾假期前夕
11:30 - 15:30
17:30 - 23:00
*Last order: 15:00 (Lunch) / Last order: 21:30 (Dinner)
以上資料只供參考, 請與餐廳確認詳情
有關獎賞計劃
藏身長沙灣D2 Place的「銀座炎蔵燒肉」，宛如工業區中的精緻綠洲。掀開和風布簾而入，深木色調與靜謐光影營造出低調奢華的日式氛圍，隔絕了外界的喧囂。「極致」和牛6點拼盤，嚴選六款頂級部位：濃郁緊實的「和牛芯芯」，肉質緊實卻不失細嫩，獨特的纖維感在火熖輕吻後，散發深邃濃郁的肉香。天鵝絨般柔嫩的「和牛友三角」，幾乎入口即化，油脂甘甜在舌尖溫柔漫開。油花如霜「和牛羽下」，肩胛部位的精華，只需短促炙烤，豐腴脂香瞬間迸發，肉汁飽滿欲滴。紋理如藝術的「和牛龜之甲」，其名如形，油花分佈堪稱藝術。口感在彈牙與柔嫩間取得絕妙平衡。經典軟嫩的「和牛上等肋肉」。佐以岩鹽或秘製醬汁，純粹肉香已令人沉醉。日本產豚三味：厚切豚腩肥瘦相間，烤至金黃焦脆，脂香豐盈；梅花肉柔嫩多汁；赤身肉則肉味醇厚。三味交織，滋味無窮。月見紫菜飯（配蘭王蛋）：劃破濃郁如熔金的蘭王蛋黃，蛋液溢於熱飯與烤海苔。裹上剛烤好的和牛，蛋香、肉汁、米飯甘甜交融昇華，是絕配亮點。炎蔵沙律：以新鮮蔬菜與開胃醬汁，適時洗滌味蕾。從嚴選頂級食材、寬敞靜謐的日式空間、到講究的器皿細節，處處體現「精緻」真諦。這不只是一餐燒肉，更是該處一塊飲食文化的綠洲。
繼續閱讀
上個月去到日本旅行，由於老婆食嘢偏向少食紅肉，而和牛一類油脂咁重嘅就更加唔啱，所以，一餐日式燒肉都無試。而日式燒肉都好一陣子無食過，搵番好此道嘅親友聚一聚兼食番餐。今夜，就嚟到「D2 Place One」嘅「銀座炎藏燒肉」探店，佢喺東京銀座嘅過江龍，主打日本和牛同多處罕有部位，值得一訪。一室傳統日式嘅木系環境，配以柔和燈光，感覺幾舒服，我哋被安排坐晌卡位，感覺寧舍闊落，最鍾意喺挨背加高咗個屏風，令前後嘅騷擾度大大減低。此外，近門口有個凍櫃，放滿唔同部位嘅和牛，望上去蠻吸引。餐具、紙巾、簡單嘅調味早已放好晌枱上，玄米茶亦由侍應緩緩送上，下單可用枱旁嘅二維碼。而烤爐抽風採用下抽式，且夠強力，所以，食完成晚都唔會一身油煙味，讚。講到食物選擇，單喺用嚟烤肉用嘅黑毛和牛就已經非常之多，有啲更喺稀少部位，睇圖都令人留晒口水。當然，食烤肉就仲有豚肉、雞肉、海鮮、野菜……等等供應啦。此外，食事、一品料理、飲品、酒類及2、3、4人套餐，都一應俱全。不過，掃二維碼進入點餐版面，會發現選擇仲會多啲。菠蘿乳酸梳打、草莓番石榴乳酸梳打 $42食烤肉咁熱焫焫，梗喺要飲凍飲啦，所以，我哋同樣揀嚟冰凍嘅梳打邊食邊飲。小弟向來甚好菠蘿，加埋乳酸，甜酸爽集於一身，襯烤肉真喺非常夾；而親友杯草莓番石榴乳酸梳打賣相靚仔，味道清新酸爽，配烤肉真喺無得輸。炎藏和牛「極致」4點拼盤 $398啲和牛有多款拼盤，揀拼盤當然比散點划算，我哋就點咗一份4點盛，唔使擔心唔知自己食咗乜，每款肉都有個牌仔介紹，包括：和牛上等肋肉、和牛肋肉、和牛龜之甲同和牛鞍下，睇到個賣相同啲和牛嘅色澤，已叫人心動。和牛上等肋肉有個「上等」二字，信佢喺好嘢嚟，試試佢先。睇上去油花好靚，加上厚切，燒到微焦，入口既有肉味，又有脂香，肉質細膩且極富肉汁，不失上等之名。和牛肋肉呢一款裁出嚟更厚身，外型就好似平常食韓燒嘅牛肋肉咁，但就切成一件件，而且，仲鎅晒花。比起和牛上等肋肉，呢個肉味更濃，口感軟腍有嚼勁，沾點鹽，肉味更突出。龜之甲好特別嘅名，唔止第一次食，個名都喺第一次聽，原來喺大腿一個位置。裁成薄切，輕輕焫一焫兩面就食得，油脂無咁重，肉質細緻嫩滑，油香跟肉香都較平衡。和牛鞍下又喺一個未聽過嘅部位，但賣相真喺吸晴，薄薄嘅一大片，油花如大理石紋般，稱為霜降更有意境。入口油香澎湃咁晌口腔湧流，甚有入口即化嘅感覺，沾上燒肉汁真喺一流。海鮮三味 $188食完4款和牛，可謂各有亮點，每款都好精彩。跟住落嚟，就唔少得試試海鮮，選呢款「海鮮三味」就最好，一份海鮮試晒帆立貝、虎蝦同大魷筒，睇見色澤閃爧爧就知新鮮貨，童叟無欺。帆立貝雪白嘅帆立貝喺連殼成隻擺晌爐上燒，燒至收收哋水就差唔多，入口口感鮮嫩，甚具彈牙感，此外，味道鮮甜帶點點海水鹹鮮味，絕對食得出喺新鮮靚貨。虎蝦超級大隻，真喺有成隻手掌咁大，燒至轉色，再焫一焫背脊厚肉位就食得，因為背脊位已鎅開，食用方便。咬落肉質爽口，甚富蝦嘅鮮甜味，蝦頭仲帶有少少豐腴嘅蝦膏。大魷筒大大隻魷筒已經剪成一圈圈，燒到焦黃，沾上燒烤醬汁再烘一烘，更加惹味，而食落柔韌有咬口，卻唔會好似軔到擦子膠咁，同樣好食。蔬菜拼盤 $68食咁多肉，唔食番多少少菜平衡吓好有罪惡感，一份蔬菜拼盤有齊多款蔬菜就最好喇。啲蔬菜燒過之後，跟平時灼菜、烚菜風味唔同，又跟炒菜唔一樣，有少少焦香味，而且，收咗水，粟米、南瓜更甜，菇菌更香。石鍋拌飯 $88淨喺烤肉、燒海鮮，怕唔夠飽，所以，嗌一客食事，簡簡單單叫咗石鍋拌飯，嚟到滾熱焫，飯面鋪滿唔同嘅蔬菜，夠營養又健康，仲加隻日本蛋，將所有食材撈勻，食味一流，飯底仲有少少脆口嘅飯焦。日本產柚子雪糕 $28、季節限家軟雪糕（芒果、蘋果味） $38最後，追加兩客甜點作結。小弟覺得柚子雪糕比較有啲似雪葩，但估唔到，咪睇佢白潺潺，好香柚子味；而另一款軟雪糕好軟滑，淡雅嘅芒果同蘋果味，食落唔錯，仲灑上少少脆筒碎，添幾分脆口感。總結而言，呢度唔單環境舒服、雅致，招呼好到位，侍應亦有禮，而食材喺極具質素，尤其主打和牛，牛肉控嘅朋友值得嚟一嚟。午市會供應一啲和牛燒肉套餐，相信性價比更高。
繼續閱讀
🥩銀座炎藏燒肉🥩每個月盡量安排一日不帶小孩的約會❤️ 今個月安排咗位於荔枝角嘅銀座炎藏燒肉😎吃到很多和牛稀有部位，大滿足🥰.🥩和牛極致定食（3種）$248廚師嚴選3個部位，選擇困難症嘅解決方法係，將問題交俾專業人士決定😂1️⃣龜之甲：第一次食，原來係和牛大腿四頭筋，油脂分布較少，口感清爽，食多玫塊都唔怕漏☺️2️⃣和牛肋肉：肉味更濃郁，油花更重，有嚼勁，食肉獸的摯愛😍3️⃣和牛友三角：牛腿肉中一個三角形的部位，油花極多（欣賞下佢優美嘅霜降紋），卻同時吃到瘦肉的強烈肉味，雙重享受💕.🥩和牛羽下。貝身燒肉定食 $198我仲專登google邊個位置比較油先order😎1️⃣羽下：和牛肩胛位置，油花分布如羽毛細緻🪶，口感軟嫩有彈性😋2️⃣貝身：和牛中腹接近腰脊位置，肉汁豐沛，吃著齒頰留香🤤.🍳月見紫菜飯（配蘭王蛋）$48已經叫了定食（有白飯）還是要另外點的月見紫菜飯，總覺得吃和牛燒肉不能缺少它🙈 餐廳超有誠意地選用蘭王蛋，美麗的橙紅色蛋黃，蛋香撲鼻，這樣的蛋才經得吃生吃的考驗👍🏻.🍹白桃乳酸梳打 +$22🍹巨峰提子乳酸梳打 +22
繼續閱讀
東京銀座人氣燒肉店「銀座炎蔵」進駐荔枝角D2 Place啦🎏作為一間來自銀座嘅過江龍，佢哋主打日本產A4黑毛和牛同稀有部位，採用日本燒肉專用網燒製，瞬間鎖緊肉汁，讓你享受高質日式燒肉體驗🎊✨ 炎蔵和牛「極致」6點拼盤 ($588) 拼盤包含多款稀有部位：和牛肉腿肉、和牛上等肋肉、和牛龜之甲、和牛芯芯、和牛貝身（腹牛柳）、和牛友三角每款肉油脂分布均勻，肉質甘甜細膩又多汁😋 店員會細心教你先燒厚身再燒薄身～推薦點少少燒肉汁，再夾埋燒香嘅京葱一齊食，即時提升肉味，香口得嚟又唔會蓋過和牛本身嘅鮮味！✨ 蘭王蛋來自日本九州大分縣，蛋黃呈橙紅色，蛋香濃郁，燒肉亦可以點上蛋漿食，蛋味濃香，非常幼滑✨ 日本產豚肋肉 厚切豚腩肥瘦相間，烤至金黃焦脆，脂香豐盈；梅花肉柔嫩多汁；赤身肉則肉味醇厚。三味交織，滋味無窮🐷✨ 石鍋和牛牛肉拌飯 滾熱辣嘅石鍋飯，飯面鋪滿唔同蔬菜同和牛肉，夠營養又健康～將所有食材撈勻，食味一流，飯底仲有少少脆口嘅飯焦，口感豐富🥰餐廳環境以傳統日式木系裝潢為主，雅緻卡位有足夠私隱度～抽風系統做得幾好，食完成餐都唔會成身油煙味！近門口有個凍櫃展示唔同部位嘅和牛，相當吸引🥩
繼續閱讀
朋友都酷愛燒肉，而且特別鍾意搵一啲稀有部位試，咁啱行經荔枝角諗住試一試。座位相當闊落，坐得勁舒服，唔會話覺得同爐好近熱到唔想食，仲有得自己調節火候，唔怕燒到燶嘥咗嚿肉。‣ 和牛「極致」6點拼盤 $588唔好以為佢係普通嘅和牛，原本上面好多都係稀有嘅部位。我自己個人幾鍾意友三角，肉紋清晰，油花豐富。上後腰脊肉就比較結實啲，鎖實啲肉汁，所以唔會食到好厭。龜之甲呢個名見到覺得幾有趣，原來佢係講緊啲油花好似龜殼咁，確實真係入口即化。雖然價錢冇話好親民，但係我覺得質素係有保證。‣ 夢之大地豚三味 $188個名聽落好夢幻，食落去都真係幾夢幻，老實講拍得住和牛。啲油花睇落好靚，肉質好柔嫩而且甘甜，一啲豬嘅腥味都冇。燒完之後油香四溢，但係絕對唔會覺得油膩，冇諗過豬俾到咁大驚喜。‣ 紫菜飯 $32本身怕和牛太油膩嗌碗飯解解膩，結果我覺得啲肉揀得好好，唔會話食到唔想食，但係最後都係乖乖地食晒成碗紫菜飯。‣ 菠蘿乳酸梳打 $42兩杯都係乳酸，朋友就鍾意菠蘿多啲，覺得相對上酸味出啲同埋清新啲。‣ 巨峰提子乳酸梳打 $42我自己就一直係巨峰提子嘅忠實fans，好鍾意巨峰提子濃郁嘅味道，上面仲有片檸檬，食住燒肉飲凍冰冰嘅嘢真係超爽。
繼續閱讀