大盛日本料理 (已結業)

11 August 2006 (Fri) - 午飯有個舊朋友特登走過黎我公司附近食lunch，因為我既lunch時間唔係太flexible！佢想食魚生，所以我帶佢黎呢間，呢間我自己都好耐冇黎，不過質素都係差不多，唔太差又唔太好咁囉，而且午市壽司既選擇好少！！我哋叫咗兩個自選壽司午飯，一個係自選八款($40)，一個係自選四款再加八件雞卷/牛卷/加州卷($38)，我哋揀咗雞卷，而壽司則係最普通既．．．不過餐最好既地方係送罐裝汽水，OK，而且午市又唔洗加一，算係咁！