影片
更多
2015-12-30
660 瀏覽
同朋友相聚，見間車仔麵外型咁姿整所以好奇行去睇睇，見企係門口既姨姨係咁話個湯底無味精，一於入去試下。一開門，見到得兩丁友，已心感不妥：食飯時間車仔麵都無人，對面間山東餃子爆晒喎。可能係夜晚香港人唔鍾意食車仔……掛。可能我太年輕，真係唔識揀，揀左咩日本直運刀削麵(好似係)，「流心蛋」丶「懷舊牛筋腩」丶「蘿蔔」三樣餸【佢至少要揀三樣】，滷汁，合共$38。見到其他食評會揀「金沙青」，無人會揀刀削麵，我就知我真係太年輕，唔睇openrice就食飯，唉。大伏。原本無諗過PO上來，無影相，大家惟有睇我講：排名由 好味-->難食 (O=星星)【流心蛋】$8 ＯＯＯＯ好味！流心蛋係真係正既，大大粒，蛋白滑嘟嘟，好耐未食過咁滑既糖心蛋；蛋黃極流心，因為我浸到最後先食所以有少少部份係熟既，不過我就係鍾意咁。【懷舊牛筋腩】$10 ＯＯＯ一般般。正正常常，唔可以話好好食，最慘係俾人剪到一節手指公咁大粒，夾都夾唔多到……話就話係筋腩，但筋同腩分開俾，我食晒成碗都係得一粒腩，好似有七八粒筋，其實食車仔麵得咁少份量係有D失望既。【蘿蔔】$8 ＯＯＯ一般般。正正常常，三大舊，無咩蘿蔔既清甜，可能係個湯底太勁。
一開門，見到得兩丁友，已心感不妥：食飯時間車仔麵都無人，對面間山東餃子爆晒喎。可能係夜晚香港人唔鍾意食車仔……掛。
可能我太年輕，真係唔識揀，揀左咩日本直運刀削麵(好似係)，「流心蛋」丶「懷舊牛筋腩」丶「蘿蔔」三樣餸【佢至少要揀三樣】，滷汁，合共$38。
見到其他食評會揀「金沙青」，無人會揀刀削麵，我就知我真係太年輕，唔睇openrice就食飯，唉。大伏。
原本無諗過PO上來，無影相，大家惟有睇我講：
排名由 好味-->難食
(O=星星)
【流心蛋】$8 ＯＯＯＯ好味！
流心蛋係真係正既，大大粒，蛋白滑嘟嘟，好耐未食過咁滑既糖心蛋；蛋黃極流心，因為我浸到最後先食所以有少少部份係熟既，不過我就係鍾意咁。
【懷舊牛筋腩】$10 ＯＯＯ一般般。
正正常常，唔可以話好好食，最慘係俾人剪到一節手指公咁大粒，夾都夾唔多到……
話就話係筋腩，但筋同腩分開俾，我食晒成碗都係得一粒腩，好似有七八粒筋，其實食車仔麵得咁少份量係有D失望既。
【蘿蔔】$8 ＯＯＯ一般般。
正正常常，三大舊，無咩蘿蔔既清甜，可能係個湯底太勁。
【日本直運刀削麵】$12 無Ｏ，極差。
千祁唔好點，真係好難食，成個味道分俾佢拉低晒。不幸地我地四人有三人都點左佢，佢仲夠膽死話係推介，難食到想講粗口，三個字：爛，糊，腍。
輕輕夾起身都會斷：爛；麵上到來已經有D糊埋一齊：糊；放落口完全無口感無勁道：腍。
做麵做到你咁都算失敗。完。
服務方面D 姨姨都算幾快手親切，環境方面乾淨企理，懷舊佈置大家都有講過，我就唔多講了。
題外話/補充資料：
可惜食物質素唔夠好，份量少，價格高，麵底搞成咁，係因為隻流心蛋先會令我俾返個ＯＫ佢。
諗起都嬲，十二蚊既麵竟然咁難食，可惡。
(以上食評乃用戶個人意見 , 並不代表OpenRice之觀點。)
張貼