十六座車仔麵

📍 最近喺太子試咗間叫「16座車仔麵」嘅小店，嗌咗一碗三餸車仔麵，揀咗麻辣湯底，配料有牛心舌（店家叫「牛爽」）、咖哩魷魚同滷水雞翼。🍜 湯底方面：麻辣湯底辣度適中，唔算太刺激，但夠香夠惹味，啱晒鍾意微辣嘅朋友。🥩 牛爽（牛心舌）：絕對係亮點之一，口感爽滑，味道濃郁，真係超水準，值得一試！🦑 咖哩魷魚：魷魚爽口彈牙，咖哩味滲透得好，唔會太膩，係我心目中嘅第二名。🍗 滷水雞翼：就比較普通，味道唔算突出，但都算入得口，唔會拖低整體分數。💰 價錢方面：以太子區嚟講，呢個價錢算係合理，食材新鮮，份量足，性價比唔錯。🏠 裝修風格：有啲似舊式秀茂坪茶記嘅感覺，懷舊味濃，雖然唔算時尚，但有種親切感。…查看更多

多次光顧，質量一直無變，完全唔同傳統感覺，新派車仔麵，味道特別，好多款餸外面店舖都冇，而家仲有下午茶，簡直超值👍食物質素非常好，睇得出用上等食材，值得一讚，希望可以堅持，良心小店…查看更多

講起車仔麵，16座絕對係我近期嘅心水！佢哋嘅湯底真係靈魂所在——濃郁到不得了，唔係得個鹹字咁簡單，飲得出係真材實料熬出嚟，帶住啲肉香同微微嘅甜，飲一啖成個人暖笠笠，撈麵一流！主角油麵好有咬口，唔會淋pat pat，掛湯能力滿分，每啖都索晒啲精華湯汁，正！我嘅至愛配搭係佢哋嘅招牌豬腸同滷水雞翼尖：豬腸處理得超乾淨，炆得軟糯入味，入口即化，一啲異味都冇；雞翼尖就吮骨都香，滷水味好夠，送啤酒一流！仲有必試嘅蘿蔔，清甜冇渣，吸晒湯汁超好味。整體嚟講，16座嘅車仔麵唔係得個快字，而係真係食得出用心。湯底濃、麵質爽、餸料入味，每樣都交足功課。味道夠晒地道，係嗰種食完會掛住，想快啲再encore嘅街坊好滋味。**平、靚、正，絕對係車仔麵界嘅實力派！…查看更多

臨近過年，花園街很熱鬧，由於太多人，所以就冇行入花園街，路過十六座車仔麵，其實唔多肚餓，但由於對車仔麵情有獨鍾，所以不自覺地進去。大約三點，食客未算多⋯⋯明顯地裝修七十年代格局，懷舊一番⋯⋯最令筆者注意的就是牆上面的一個算盤，多麼有趣，相信年青的一代真的未知怎樣打這如意算盤。首次到訪，QR CODE 落單，還可以直接電子支付，奈何筆者首次到來，笨手笨腳，未能直接付款，最後QR Code落單後到櫃枱付款，都算靈活彈性處理。首次到來決定嚟個招牌項目:九品鮑魚麵~在QR CODE落單時，加$2有菜底，於是筆者決定走麵加菜底 ，結果策略上錯誤，冇麵食，明顯比較冷清，加$2菜底，只得一點點，幫不了忙，經過今次，相信下次會更明智。…查看更多

過年同嚟太子辦年貨，買定水仙，為屋企增添過年氣氛！買完花之後，喺太子都有唔少餐廳選擇，我就嚟到十六座車仔麵，呢度以公屋為裝修格局，細心啲睇，連電掣都係行懷舊路線，而且車仔麵係親民價錢，夠抵食款式又多！講起最抵食嘅選擇，當然就係懷舊四品麵餐，配料有雞翼、魚蛋、豬紅同通菜（本身係唐生菜，但今日貨未返，所以改為通菜）。雞翼滷得好入味，大大隻；魚蛋係陳皮魚蛋，好有口感！至於麵底就揀咗米粉，加上辣汁，好惹味。揀咗呢度嘅名物，包括限量金沙青、五香蝴蝶腩、咖喱麵筋同豬皮。金沙青比較肥，所以佢就唔係太鍾意喇，不過，我又覺得唔錯，肉質嫩滑，肉味香濃；蝴蝶腩好有口感，腩肉鮮嫩；而咖喱麵筋同豬皮都索晒辣汁，味道濃郁。四品麵餐同四餸車仔麵都會贈送一罐咸檸檬梳打，食完辣汁，飲番罐梳打就夠晒爽。…查看更多

今日去何文田做嘢，之後諗住落金魚街睇吓金魚。撞啱食飯時間人頭湧湧，個個辦年貨。快快脆揀咗呢間16座車仔麵。全院滿座。OL加學生哥。最低消費三餸，我叫咗個米粉底，三餸揀咗魚蛋豬皮同豬紅；清湯底。冇叫嘢飲埋單40幾蚊，全部QR code落單。味道一般般，冇驚喜，唔會特登過嚟幫襯。…查看更多

太耐冇食過車仔麵，經過見到就入去食，裝修幾特別有特色香港風味而且一般車仔麵嘅食品都有，我叫咗一個撈麵，佢哋嘅醬汁幾特別，叫咗豬紅大腸最愛嘅嘢食，味道唔錯，佢哋嘅粗面係蛋麵，最鍾意係個麵質係有口感嘅感覺唔錯，會再幫襯，都好適合速食嘅人，而且當時係夜晚去唔使排隊，即叫即食，個檸檬茶幾好飲，都係由香港風味夜晚個姐姐服務態度幾好，又同佢傾偈好有親切感…查看更多

今日下午去經過，見佢價錢都唔平，但都有啲裝修，再加上本身係芫荽控，佢又有芫荽麵，又有芫荽湯底，諗住一試但試完真係好失望，個所謂嘅芫荽湯，但係普通嘅湯上面加幾條芫荽，如果唔一口飲埋啲芫荽入口係完全唔知自己飲緊芫荽湯，之後佢嘅芫荽麵，係就係綠色，但完全無芫荽味，我嗰刻都以為可能我係芫荽控，太習慣芫荽嘅味道，要好濃味先食得出，所以我叫我同行嘅朋友試下，佢本身唔食鍾意芫荽，連佢試完都話食唔出任何芫荽味，佢都可以食到。我再驚可能係搞錯咗，再問店員confirm一次有無俾錯麵底，佢都話嚟個就係芫荽麵。頭先所講嘅芫荽麵，芫荽麵底都需要另外加錢，但完全食唔出芫荽味，我想將我嘅經驗同各位芫荽控分享，如果想食芫荽嘅話，千祈唔好食嚟間，80幾蚊嚟個一碗麵嚟講，性價比好低。…查看更多

去完花墟之後搵嘢食，附近見間車仔店，門外光鮮企理，可能由於早食嘅關係，裏面冇乜人，我叫咗個車仔麵，有出名嘅咖喱魷魚、陳皮魚蛋、豬皮。咖喱魷魚好腍，辣味剛剛好，辣味陳皮魚蛋好入味！…查看更多

鋪頭較細，裝修帶懷舊港式風味。餐牌都有有d 新鮮感嘅湯底同菜式。🤔胡椒湯底：餐牌話係Number one，就試吓。味道係滷水味加明顯嘅胡椒味，但唔係原本預期中胡椒豬肚湯嗰種味。正常味道，不過不失，冇話好出色。👌🏼豬骨清湯底加腩汁：味道係屬於比較清淡帶少少甜。🙁蕃茄麵：唔係預期中酸酸甜甜嘅味道。冇咩味，唔值得加錢試。材料：😋九品鮑魚麵$88，材料幾豐富。最鐘意冬菇，味道好濃郁，好似係乾冬菇整出嚟嘅味道。😋厚牛脷 & 牛舌心：兩者質感味道都好味。👌🏼騸牯牛肉：都幾嫩滑，但就唔係好重牛味。🙁鵝腸： 麻麻，冇咩味又好韌。🙁滷水百葉豆腐：質感又硬又爽口，冇咩味，又唔吸汁，個人麻麻。環境： ★★☆☆☆ 食物： ★★★☆☆ 性價比： ★★★☆☆ 推介度： ★★★☆☆ …查看更多

去叫外賣，佢有2個舖位，吖叔打開門“幾位？”，我話外賣佢就咁講嗌一聲“隔離！”然後就閂門，已經心情差左，但真心已經好攰5想再行，唉，咁就去隔離舖order。吖嬸話外賣可以掃碼落單，唉，你已經係度，作為店員落埋單好正常啫，算。掃碼order油面微辣加腩汁，魷魚豬皮金銀肚，埋單$61，算。返到屋企一打開!!! 豬紅豬大腸牛舌...有冇搞錯...魷魚$18吖...😭😭我諗可能係職員同隔離個女仔調轉左外賣袋，因為我確認過外賣袋係我嘅number係我嘅order先攞走嘅。唉，黑仔，未食已經知道5會再去。但係我諗諗下唔對路，油面微辣加腩汁連埋飲品都係岩嘅，只有唔會打開蓋check嘅餸係錯嘅，咁...大家自己諗下...至於個面，先5講佢唔小心定特登俾平嘅餸我，淨係個面，冇扣底都好少，餸又少，唉，貼錢買難受！…查看更多

今天一家到金魚街看金魚，小兒愛看金魚。把金魚街也行了幾次，累了便到附近十六座車仔麵，今天叫了一個十優麵，內裏有牛腩、牛脷、魚蛋、翼尖、豬紅、東菇等十種美食，再加上油麵，湯底美味,餸亦很多，吃完還有迷你可樂，真是超級超值。…查看更多

當晚食左兩碗淨餸總數$140，諗住俾八達通，嘟左兩次都無反應，個後生男仔員工一開聲就話我張八達通壞架，我心諗入嚟食野前响隔離街7仔先啱啱買完野嘟到，唔俾係你部機壞？咁我咪唯有攞銀包裡面唯一嘅百五蚊現金俾，但佢就勁黑面翹起雙手“jet”左我一聲，仲話下次有現金就唔好嘥時間，我真心覺得咩事咁態度做生意，講真啲野食份量搵笨地少已無出聲，淨餸竟然同有粉麵嘅餸量一樣，難道而家免費食唔駛錢？定你想講要傳承以前屋邨樓梯底鬧客嘅作風？我唔駛你講多謝，但請自重！永無下次！…查看更多

嘩！行過呢間小店，聞到陣陣香氣，不由自主咁走咗入去。呢度嘅車仔麵真係有料到爆！🤤我點咗一碗鮮蝦炒粉麵，啲蝦仔彈牙得嚟又新鮮，炒粉麵絲滑得滯，翻炒得火候剛剛好，每啖都食到啲soya sauce嘅香濃，真係食到停唔到口！然後仲有個芝士豬扒包，嗰層芝士咁軟塌塌又稔，豬扒香煎到啱啱好，內裏嘅肉汁保留得宜，咬落去真係超滿足！😍甜品方面，我揀咗個檸檬撻，啱啱好嘅酸甜口感，檸檬香氣夠晒清新，底部嘅餅皮酥脆過癮，簡直是完美嘅結局。食物精緻得嚟唔貴，好適合街坊日常嚟吞嚟吐。整體嚟講，呢度嘅食物質素真係正！店家用心，味道地道，下次再嚟我一定要試多啲唔同嘢！👍🏻咸香嘅蝦、濃郁嘅豬扒包同清新嘅檸檬撻，食完之後心情都好咗！呢度正宗又平民化，真係值得推介！…查看更多

尋日同男朋友行完寵物商店，又行吓金魚街之後，大約7:30有啲肚餓，就去搵嘢食。琴日成日個心都想食車仔麵😌，所以行吓行吓，見到16座就去試試。其實食飯時間但喺門口見到得兩個人，都驚驚地，但心諗又真係好想食車仔面麵同埋呢間嘢都聽過吓，就是但啦試吓啦。入到去選擇困難症左一輪🧐，最後揀咗最原始既自選三餸車仔麵，要咗大腸、陳皮魚蛋同埋魚肚扒，豬骨湯底大辣配米粉。而男朋友要咗餐牌推薦既雞翼，魚肚扒同金沙青，麻辣湯底大辣配粗麵。等咗唔夠兩分鐘，哈！好快就有嘢食。第一眼我就覺得好少餸，試吓個湯，WHAT！勁咸😕仲好化學辣🤬我呢啲辣妹食開辣既一食就知呢啲辣好人工化！唔係天然！我男朋友嗰碗一樣又少餸、味又勁假、勁咸，最搞嘢係個粗麵好似無煮過咁，勁硬！仲食到入面有麵粉！多謝晒😩啲餸質素只有隻雞翼好啲，其他都好唔掂。魚蛋死實實可以掟死人，豬腸炆唔腍，個所謂嘅魚肚扒即係大塊啲既沙爆魚肚，正常應該係琳琳滑滑，但係佢係爽口嘅，口感好古怪🤪我哋仲每人要咗一支嘢飲，但係嘢飲提唔提都罷啦！我男朋友飲齋啡，我呢就要咗支咩新鮮鮮榨濃縮檸檬茶，個茶底唔靚就預咗，仲要又苦又澀🤢，好難飲😑最後埋單承惠$150，貼錢買難受☹️點解？因為我地兩條友食完個胃同肚即刻揦住，去咗兩次廁所🚽呀😒😒到第二日都仲係咁😒呢間嘢係咁先啦👋…查看更多