影片
更多
2019-08-21
57 瀏覽
識我嘅人都知道我勁鍾意食大排檔小炒，以前係外國嘅時候幫襯中餐館，都好鍾意叫小炒，但外國野始終唔及中國野 所以返到香港都去唔同嘅小炒店炒餸食，包括咩...陳xx同愛xx... 等 但係朋友竟然推介話荃灣有間小炒都好夠鑊氣 好啦一於黎try try , 呢間餐廳嘅格局唔係大排檔，係有裝修嘅餐廳，餐牌價錢唔貴 ，幾抵食 叫左幾個小炒 蜜桃柚子骨（$82）呢個菜平時好少地方有，我好中意食酸酸甜甜既小菜，叫到黎果然好正，外脆內軟，加左個汁都卜卜脆。椒鹽9肚魚（$78）炸粉夠晒脆，亦唔會太鹹，好好食，椒鹽炸野好要技巧，呢間真係好食！鴨蛋煎蠔餅（$88）睇樣都知道炸得好出色，蠔仔勁多，蠔餅唔會太多粉，最緊要唔會油淋淋！鐵板一口牛（$108）牛肉真係好貴，其他小菜平均都唔使$100，呢個都抵食既，不過略嫌太過份量多蒜蓉椒絲炒通菜（$68）講起小炒點可以少左炒菜，呢間炒得岩岩好。呢家極度推薦，價錢平，坐得好，地方又方便 下次有機會要再黎食。
但係朋友竟然推介話荃灣有間小炒都好夠鑊氣 好啦一於黎try try , 呢間餐廳嘅格局唔係大排檔，係有裝修嘅餐廳，餐牌價錢唔貴 ，幾抵食 叫左幾個小炒
蜜桃柚子骨（$82）
呢個菜平時好少地方有，我好中意食酸酸甜甜既小菜，叫到黎果然好正，外脆內軟，加左個汁都卜卜脆。
椒鹽9肚魚（$78）
炸粉夠晒脆，亦唔會太鹹，好好食，椒鹽炸野好要技巧，呢間真係好食！
鴨蛋煎蠔餅（$88）
睇樣都知道炸得好出色，蠔仔勁多，蠔餅唔會太多粉，最緊要唔會油淋淋！
鐵板一口牛（$108）
牛肉真係好貴，其他小菜平均都唔使$100，呢個都抵食既，不過略嫌太過份量多
蒜蓉椒絲炒通菜（$68）
講起小炒點可以少左炒菜，呢間炒得岩岩好。
呢家極度推薦，價錢平，坐得好，地方又方便 下次有機會要再黎食。
張貼
