佰古嗲

營業中

休息中

好多大圍街坊介紹嘅馬來西亞菜，決定俾個機會佢，入到去見到佢啲壁畫好靚，食物質素又有驚喜👍黃金醬虎蝦味道：⭐️⭐️⭐️⭐️⭐️賣相：⭐️⭐️⭐️⭐️⭐️足足有16隻蝦咁多🤩🤩🤩黃金醬係鹹蛋牛油，有少少微辣，蝦肉爽彈，點落個黃金醬十分地夾。黃金醬炸蠔味道：⭐️⭐️⭐️⭐️⭐️賣相：⭐️⭐️⭐️⭐️⭐️有10隻蠔🤩🤩🤩炸蠔外脆內鮮，帶陣陣鹹香，食落層次感十足👍🏻外皮食到最後都仲係咁脆無變腍，粒蠔肉脹卜卜咇曬汁😍椰香娘惹喇沙味道：⭐️⭐️⭐️⭐️⭐️賣相：⭐️⭐️⭐️⭐️⭐️非常濃椰香味，今日揀左滲滲，即係米粉+油麵，兩樣撈埋食口感非常豐富，麵條爽滑唔會煮過腍，掛汁，配埋怡保芽菜同埋青瓜絲，為碗麵帶點清爽開胃。魚片彈牙，豆卜索汁，好惹味！冬瓜龍眼茶味道：⭐️⭐️⭐️⭐️⭐️賣相：⭐️⭐️⭐️⭐️龍眼味好突出，仲有少少龍眼肉，好消暑又解渴。桔仔話梅水味道：⭐️⭐️⭐️⭐️⭐️賣相：⭐️⭐️⭐️⭐️有飲到桔仔同話梅的味道，酸酸甜甜，非常開胃 。肉骨茶細滲配白飯味道：⭐️⭐️⭐️⭐️⭐️賣相：⭐️⭐️⭐️⭐️肉骨茶湯底濃郁甘香，藥材味帶少少回甘，配埋啖啖肉好足料豬手排骨腩肉雞腳都煮到好腍好入味，暖胃又滋補！