三分熟.菊志

屋企附近新開咗間鐵板燒「三分熟.菊志」，身為北角人梗係要即刻去試吓一探究竟✌🏻平時食一餐鐵板燒動不動都要過千，餐廳推出咗個晚市優惠套餐只需$598，已經包括鮑魚、帶子、鵝肝同和牛，超級抵食👍🏻茶碗蒸店員先送上熱氣騰騰嘅茶碗蒸，上面鋪滿蟹肉，蒸蛋裏面加入鮮蝦，口感嫩滑蛋味濃郁，蟹肉同蝦肉令鮮味更加提升沙律以散葉生菜、芝麻菜、紅菊苣、蕃茄仔同粟米製成嘅沙律，沙律菜新鮮爽脆，入口清爽配上酸酸甜甜嘅醋汁特別開胃帶子食完前菜就到主角海鮮出場，香煎帶子配上海苔忌廉汁同枝豆汁，帶子雪白厚肉，剛剛好熟嘅帶子特別嫩口，而兩款醬汁各有特色，個人較為喜愛海苔汁，帶子嘅鮮甜加上海苔嘅鮮味，令食物味道層次更加豐富鮑魚活鮑魚口感果然不同，軟滑彈牙，配上師傅特製嘅青海苔汁認真係prefect match👍🏻清酒煮蜆師傅用錫紙放入清酒同大蜆喺鐵板上加熱，沸騰嘅滾湯令酒精揮發，入口有淡淡嘅酒香味加上蜆肉嘅鮮味，飲完暖笠笠令人回味無窮蘋果鵝肝👍🏻師傅功架十足，煎得外脆內軟，底下配上蘋果片，香煎過嘅蘋果酸甜味更為突出，剛好中和鵝肝嘅油膩感和牛薄燒和牛五成熟就啱啱好，肉質軟腍粉嫩，裏面包住香蔥同炸蒜，香口得黎又不乏濃郁嘅牛味