Briketenia (已改名) 查看

男朋友牛一，諗住同佢食法國菜浪漫下慢慢嘆！北角匯呢個位置都幾方便，一出地鐵站就係，餐廳仲向住成個東廊海景😍坐位又好闊落，好正！一坐低，上左個法包先，好多時出面都係點醋，呢到係用左自家既銀魚柳蛋黃醬，味道層次豐富好多，個把外脆內好鬆軟價錢我覺得都可以接受，佢個set dinner menu幾抵，包starter、main course、餐飲，仲可以加錢再配埋甜品👍南瓜湯：咁岩男朋友最近痛風，唔掂得海鮮同埋菇類，餐廳好好咁整左個南瓜湯俾我地😍南瓜湯有濃郁嘅南瓜清甜味，好香好creamy，仲飲到絲絲嘅南瓜纖維鵝肝醬：佢用左creme brulee既形式去present鵝肝醬，所以面頭有d脆身既感覺口感好好，再用toast去點，好濃郁既鵝肝即刻湧左上黎！油封法國鴨腿配新薯：個人有份執著，覺得食法國菜一定要食法國鴨腿，因為係法國既傳統菜式！油封鴨肉質嫩滑，充滿住肉汁，好快咁充斥曬成個口腔，一啖鴨腿肉再加一啖新薯，nice香烤牛眼扒配薯蓉＆小甘筍：牛扒既格紋好靚，食落去肉質好juicy，面頭少少既微焦👍仲配左個幾香既黑椒汁，我又點d落個薯蓉到，好綿滑好惹味！