咖吔

營業中

休息中

尋日同朋友去開北角，夜晚我地就去左呢間新加坡菜餐廳食晚飯。海南雞飯拼喇沙米線$116貪心而又有選擇困難嘅我就揀咗呢個餐，有海南雞飯又有喇沙米線食。海南雞嘅份量都唔少，食落嫩滑，雞味都好重，配埋香濃嘅油飯好好食。喇沙米線有蝦、蛋、魚片同豆卜，材料都好豐富，有香濃椰奶味。班蘭咖央多士$28多士香脆，夾住軟滑嘅牛油同咖央，好食。檳城蝦麵$88朋友就揀左呢個麵，佢話湯底嘅蝦味都幾濃，麵底有油麵同米粉，又有蝦、豆卜、腩肉同蛋食。佢話意料之外地個腩肉幾好食。海鹽雪糕椰汁珍多冰$42呢個好正，主要係因為海鹽雪糕食落鹹鹹地又好香奶味，配埋椰汁冰好清涼美味。