影片
更多
2022-07-11
1279 瀏覽
同朋友嚟到呢間酒店staycation，就試下酒店23樓嘅餐廳好唔好食先！入到去超級靚呀記得book枱嘅時候，話想坐窗邊，咁就有得望住街景食飯，影相都好靚，餐廳最近做緊泰國風，所以餐牌上嘅嘢食都好友泰國特色，總體來講食物質素唔錯服務都好好，可以慶祝生日，又有得影即影即有真係好正😆🍴FEED ME! $440 一位 另收加一圖片中為二人份！🦪時令即開生蠔 (7.5/10)係法國生蠔、三文魚子、柚子酸汁，生蠔好新鮮，好creamy，有海水嘅鹹香，唔會太腥，三文魚子一咬即爆，成個配搭好夾！🍴油甘魚刺身 (7.5/10)油甘魚加上青檸香草汁、醃青辣椒、金不換，非常有泰式風味，肉質紮實，都新鮮嘅，成個配搭唔錯嘅。🍴 豬腩肉生菜包 (8.5/10)烤黑毛豬腩肉、小葉生菜、芝麻葉、芥末醬。黑毛豬燒到金黃色，好香口，一啲都唔會油膩，加上山菜芝麻葉同埋芥末醬，去除咗油膩，真係好好食！🍴 椒鹽鮮魷 (8/10)炸魷魚、秘製香料、泰式海鮮蘸醬、蒜香蛋黃醬，炸得好香口，魷魚都好爽口，唔會太淋身，肉質有口感，泰式海鮮醬比較酸辣，fresh啲，蒜香蛋黃醬比較濃郁，有微微嘅蒜香味加上蛋黃醬濃郁嘅口感，好Creamy
🍴FEED ME! $440 一位 另收加一
圖片中為二人份！
🦪時令即開生蠔 (7.5/10)
係法國生蠔、三文魚子、柚子酸汁，生蠔好新鮮，好creamy，有海水嘅鹹香，唔會太腥，三文魚子一咬即爆，成個配搭好夾！
🍴油甘魚刺身 (7.5/10)
油甘魚加上青檸香草汁、醃青辣椒、金不換，非常有泰式風味，肉質紮實，都新鮮嘅，成個配搭唔錯嘅。
🍴 豬腩肉生菜包 (8.5/10)
烤黑毛豬腩肉、小葉生菜、芝麻葉、芥末醬。黑毛豬燒到金黃色，好香口，一啲都唔會油膩，加上山菜芝麻葉同埋芥末醬，去除咗油膩，真係好好食！
🍴 椒鹽鮮魷 (8/10)
炸魷魚、秘製香料、泰式海鮮蘸醬、蒜香蛋黃醬，炸得好香口，魷魚都好爽口，唔會太淋身，肉質有口感，泰式海鮮醬比較酸辣，fresh啲，蒜香蛋黃醬比較濃郁，有微微嘅蒜香味加上蛋黃醬濃郁嘅口感，好Creamy！個人鍾意蛋黃醬多啲😆
🍴曳曳馬沙文 配自家製烤餅 (9/10)
咖喱燴和牛面頰肉，加上薯仔，乾蔥，椰子，烤花生，個咖喱真係好香，一啲都唔辣，食得出入邊有好多香料層次好豐富，和牛肉質好軟淋，一絲絲嘅肉質，真心係好食！加上自家製嘅烤餅，烤餅口感係比較脆身，有層次好鬆片，又唔會太油膩，配上咖喱真係一流！
🍴 香蒜辣椒炒通菜 (8/10)
用咗豆辦醬、辣椒、蒜去炒，鹹度適中，非常香口，通菜係好爽口嘅，一啲都唔辣但又好有泰式風味。
🍴香蒜蔥花蛋炒飯 (8/10)
淨係用咗蒜頭蔥花同埋蛋去炒嘅飯，真係食得出師傅嘅功價，炒飯炒得好乾身粒粒分明，好香濃嘅蒜味，帶少少泰式風味之餘又真係好香口，真係就咁食都好好食！
🍴 可可椰子 (8.5/10)
椰子雪糕、朱古力醬、朱古力威化，好得意！係個朱古力威化包住個雪糕，要敲開個威化先可以食到，椰子味好香，好出，朱古力味都好濃唔會太甜，真心有驚喜呀！
推薦指數: 8/10
酒店嘅餐廳來講呢間都真係算好唔錯，食物質素好食，環境好靚，氣氛都好好，服務都唔錯，慶祝生日周年紀念都可以用甜品寫字，再加有一張即影即有！真心都會推介俾大家！
張貼
