君子餐廳

營業中

休息中

最近去咗北角匯嘅君子餐廳，特意再試下佢哋嘅法國菜，果然冇失望！餐廳有個露台，坐喺露台，望住海景，真係好舒服。我哋order咗兩個set dinner。一開始就送上餐廳自製嘅銀魚柳配蛋黃醬法包法包外脆內軟，沾埋軟滑好味嘅銀魚柳蛋黃醬，簡直無得彈！Starter 法式鵝肝焦糖燉蛋配田園沙律呢個鵝肝焦糖燉蛋真係好特別，咬落去有一陣香濃嘅鵝肝味，配合甜甜嘅焦糖，出奇地好味！田園沙律口感清新，真係很好的配搭。法式生牛肉他他牛肉非常新鮮，撈埋隻生雞蛋，令牛肉更加嫩滑，再配合埋醬汁，更加好味Main course蜆肉扁意粉配蘑菇汁呢個真係另一個驚喜！意粉煮得剛好又彈牙，配上蜆肉同濃郁嘅蘑菇汁，味道非常夾，令人一口接一口，停唔到！慢煮西班牙豬鞍配洋蔥及薯蓉豬肉非常鬆軟，一啲都唔鞋口，而洋蔥嘅甜味更能提升整道菜嘅層次，薯蓉亦非常幼滑，簡直係一個完美嘅搭配。