牛牛日式火鍋放題 (北角匯二期) (已結業)

北角依家多左個商場,所以都多左唔少食肆，其中一間就係今年年頭先開既"牛牛日式火鍋放題",依間日食火鍋價錢唔貴，最重要係地方寬趟，唔似其他放題咁枱貼枱。價錢方面都幾多選擇，豐儉由人，我地就間左個中間價錢$218/任食，都有唔少肉類選擇，豬/牛/羊都有，依個價錢有咁樣選擇，邊度揾。環境乾淨，服務又好，最重要坐得舒服，最貼心係每人俾一個紙袋袋住口罩，出去拎野食又會提番大家帶番口罩，確保大家健康安全。佢地d肉上得好快，每人一鍋又食得安全放心，d服務員仲會經常見你d肉食晒，仲加唔加，收碗碟速度又快，唔駛追十萬9千次。90分鐘真係夠晒時間食，一d都唔趕。配菜都有好多選擇，又多款，最緊要係新鮮。菜都10幾款選擇，又有我最愛既羽衣甘蘭最後要提番，最後冇浪費野食，埋單仲有95折，不過就算有冇折都好，都唔應該浪費野食，所以我地都係剛剛好食晒。