Villa Villa

營業中

休息中

之前朋友訂過呢度嘅生日蛋糕俾我，圖案好搞鬼又好味，一直都想搵機會黎試下主食。作為明太子愛好者，一望到個名就叫咗明太子鮮蝦意粉，非常高質。 首先就咁肉眼睇已經見到每條意粉都沾滿左粒粒明太子，煮得啱啱好，仲感覺到同咬到卜卜聲咁。 蒜香欖油意粉本身都好香，加埋明太子嘅鹹香好夾，鮮蝦用料都唔錯。自家製煙燻芝士帆立貝意大利雲吞賣相同幻想中一樣咁creamy，雲吞咬落好煙韌，芝士味香濃，帆立貝煎得啱啱好夠嫩滑。煙三文魚雙重芝士脆薄餅係見到人哋張相已經想試，雙重芝士符合到我邪惡拉絲嘅期望，餅底好薄好脆，芝士底下更加搽滿咗蕃茄醬汁，每一啖都好滋味。 煙三文魚都好肥美厚肉，同軟滑有奶香嘅芝士好夾，係必須要加嘅配料。黃金炒薯條鹹蛋黃味超濃，其實呢個組合都唔係啲咩新嘢，但同坊間食到嘅相比，呢度薯條明顯好乾爽，鹹蛋黃食到起沙嘅質感，同埋每一條薯條都沾滿左鹹蛋黃好夠味。