二十道

前幾日去北角同朋友食飯，偶然發現一間新派拉麵小店，店鋪空間不大，坐喺吧檯可以見到廚師用心烹調美食，大廚貫徹五種味道、五種顏色、五種烹調方法及五種態度嘅理念，打造出非同凡響嘅日式美食，包括拉麵、丼飯、居酒屋小食等～大蜆雪酒拉麵🍜拉麵湯底用咗雞湯配搭日本清酒酒釀，加入蜆水一起熬製，味道鮮甜，並帶有陣陣發酵香氣。大蜆非常新鮮，配菜有各式日本蔬菜以及意大利黃瓜，拉麵都好彈牙，不知不覺已經飲晒成個湯底，好正！三色刺身丼🐠除咗刺身新鮮之外，廚師特意用上酒粕酢代替傳統赤醋壽司飯，飯粒分明，配合刺身食幾多都唔夠！燒螢光魷魚乾🦑螢光魷魚乾非常薄，燒到脆口，入口甘香，口感好特別，令人印象深刻！二十道嘅烹飪理念雖然簡單，但係要創造出平衡、好食又有新鮮感嘅日本料理一啲都唔容易，希望大家經過北角都可以支持吓小店！