金樂軒雞煲魚鍋

營業中

休息中

今晚6點约左住係和富花園嘅朋友，佢帶我去附近嘅金樂軒雞煲魚鍋，話好好食，主打廣東小炒。 一行入去，侍應熱心向我們介紹特色小菜，我地叫左幾碟。 藥膳牛排鍋侍應話這道菜是最近新出嘅，我見到「藥膳」兩個字，仲以為有好重嘅藥材味，原來唔係，只是有淡淡嘅藥材味和濃郁嘅牛排味，湯好好飲。鍋內有很多大大舊嘅牛排，舊舊都又大又有咬口，仲有蘿蔔配搭，好有口感，充滿牛味。 金銀蛋黄帝菜底下放左時菜，上面鋪左好多皮蛋、蛋黃和蛋白，菜好新鲜。 家鄉蠔仔煎有好多蠔仔，再加上不同的配菜，咬落去沒有一般蠔餅成口粉嘅感覺，蠔仔煎好有驚奇，有咬口，有蠔香，好食。 花雕醉雞用花雕酒醃製嘅雞肉，口感鲜嫩多汁，雞肉吸收左花雕嘅酒味，咬落去有淡淡嘅酒香，好味。 竹蔗茅根可以揀大jar或细jar，我地叫左细jar都夠飲，大约有6杯，清甜降火，配鍋佳品。 整體印象好有人情味，小炒美味，價錢又唔貴。